Omalangeko mUukete ka geli mondjila

1
297

UUKETE – Aakalimo yamwe yomomukunda Uukete moshikandjo Oniiwe ya Ndapanda oye wete momukunda gwawo  mwaana elandulathano  shono ye wete tashi etithwa ku mwene gwomukunda ngoka pamapopyo ta langeke shaali paveta. Uukete omukunda guna iikandjo omugoyi.

Oya holola kutya oshikandjo shawo oshali shina omahala ogendji taga vulu oku gandjwa ku kehe ngoka a pumbwa epya nenge ehala, taya holola kutya omahala otaga gandjwapo owala ku mwene gwomukunda ta langeke aantu mboka ya za kokule omanga mboka yomomukunda ngoka nenge ya pule omahala ihaye ga pewa.

Gumwe ngono a gandja omukundu nguka oSalom Panduleni Namupala ngono oye kapatashu gomukunda Uukete nenge Oniiwe ya Ndapanda. Uukete omukunda gwa topolwa miikandjo omugoyi mbyono yili mewiliko lyookapatashu ya hogololwa ku mwene gwomukunda yemwene.

“Aavalelwamo oyendji itaya ka mona we omahala gokukala momukunda gwetu ,oshoka mwene gwomukunda ota langeke shaali paveta nolundji ota gandja omahala kaantu yokokule omanga mboka twa valelwamo tatu ende ondjila onde opo tu mone omahala, mwene gwomukunda nguno ota yambapaleke owala ondjato ye, ye thimbo limwe ota langekepo owala omahala guulithilo niimuna yetu kayi nawe mpoka tayi kala tayi napa,” Namupala tati ngaaka.

Namupala okwa hokolola kutya okwali a nyola ombapila mono a fatulula nokunyolamo omaudhigu gawo ngoka yena na mwene gwomukunda ngono ye wete kutya ota longo kaashili pauyuuki no ita longo muuwanawa woshigwana. Tat ota landitha evi kaantu ooyaali, ta landitha kwaamba yena oshimaliwa, ngele anuwa kuna oshimaliwa onuudhigu wu pewe epya ndyoka.

Yamwe taya hokolola kutya omapya gamwe oga langekwa ga kwata omikunda oombali, noye wete kutya iinima ayihe tayi longwa ku mwene gwomukunda gwawo oya puka noya pumbwa oku talululwa mbala oshoka otaya ti mwene gwomukunda oye tuu nguka ota lungu ti  itapula no iha pulakene aakwashigwana ye shoka taya popi.

Namupala ta gwedhapo kutya muKotomba gomvula ya ziko okwali a dhengelwa ongodhi omolwa omumati gumwe ali a pewa eha kumwene gwomukunda eli futile, epya lye okwali eli kuthwa ye anuwa a kataleko iimaliwa ye oshoka mwene gwomukunda oye tuu ngoka anuwa okwa mona gumwe teli landapo nota futu iimaliwa oyindji, ye ngu aadhika eli futa neli kuthwe oshoka anuwa ina hokana. Shono tati kashili paveta.

“ Aakwashigwana yetu oyeli monkugo yina onkambe,noyendji kayena omahala guulithilo oshoka ooyene yomikunda otaya langeke owala shaampoka,omapandiinda ogendji noondjila odha thitikwa kooyene yomikunda, yo oyendji itaya longele kumwe nookapatashu walye kutya oya hogololelwa shike,onga kapatashu nomeho goshigwana onda shanga ombaapila  yi ye kelelo lyaNdonga opo tu li tseyithile kutya oshinima shino ka tu shi uvitile ombili,” Namupala ta tsikileko.

Elelo lyopamuthigululwakalo lyaNdonga olya holola kutya oshinima shika osha thikilelo momakutsi galyo noli ipyakidhila lyo li mone mwene gwomukunda nguka. Taa kumagidha ooyene yomikunda melelo lyaNdonga ya  longe pauyuuki nopaveta yelelo.

 

1 COMMENT

LEAVE A REPLY

Please enter your comment!
Please enter your name here