Osikola yaUnitecs anuwa ina yi tambulwa ko kepangelo

0
264

OUTAPI- Aanasikola mboka ya longwa penongelo hali ithanwa University of Technological Sciences [UNITECS] otaya enda enda momapandaanda sigo oompaka yaana iilonga, oshoka osikola ndjika ina yi tambulwa komahangano gepapangelo haga gandja uuthemba kiiputudhilo yelongo.

Polykarp Ameya, ngoka opo a li eya po nongudu yopapolitika yo Nampo ota ulikwa ominwe, anuwa ota yugu aalongwa iimaliwa nomukalo woku ya longa menongelo inaali yalulwa. Osikola ndjika ohayi longo oshilongwa shuupangi nonando elongo ndyoka inali yalulwa pambelewa.

Osikola ndjika ota yi adhika mOutapi moshitopolwa Omusati.Osikola ndjika hayi ithanwa University of Technological Sciences oya li ya pe aalongwa yawo oonzapo dhopombanda hadhi ithanwa Advance Higher Certificate omumvo gwayi.

Osikola ndjika ya dhikilwepo omumvo 2012 sigo oompaka oya longa aalongwa eyovi limwe .

Ihe oyendji yomwaambaka kayena natango iilonga nonando mbaka oya longwa uule womimvo ndatu.Yamwe yomuyo oya longwa elongo lyopombanda.

Ameya okwa ti oshiputudhilo she oshi li mewiliko lyaadheuli yatatu mboka haya longo ethimbo alihe  moka ye a kwatelwamo.

Ameya okwa tindi okupopya kutya aalongwa ohaya futu ingapi omolwa elongo ndika ,ndele opwa uvika kutya aalongwa mbaka oha ya futu pokati koodola 150-200 komwedhi.

Osikola oha yilongo uupangi oshowo uuvalithi.

Ameya okwa ekelehi omipopyo kutya ye ota yugu aanasikola a ti osikola ye ota yi putudha aalongwa moku ya pa ompito okulesha omambo.

Okwa ti mboka taya ti osikola ye otayi thipi aanasikola mboka ina ya pumbwa oku tuma aanona yawo koshiputudhilo shoka.

Okwa ti ounivesiti ye oyi shi oku inekelwa ,otayi humitha komeho euveko lyaalongwa ihe mbaka ina ya kalonga sha sho pailonga onkene yo ina ya pogola sha. “Mo Namibia kamuna oveta tayi indike aakwashigwana okulesha omambo gopaunongononi nuuteknologi.Tse otatu lesha ashike omambo,” osho Ameya.

Ameya ngoka a zimine kutya ye ota longo ongeshefa okuputudha oshigwana sha Namibia opo ya vule okuya komalongo gopombanda naahoka taya ka longwa  iilonga ngaashi hayi longwa . “Omambo ngoka tatu lesha oga tulwa moolibrary dhoshigwana kepangelo opo tu ga leshe.Mo Namibia otuna omukalo guli konima mokulesha shono hatu lesha omambo nokonima ohatu ga tula kohi yoshigwilo,” Ameya a ulike.

Oshiwike sha yi aalongwa ya UNITECS oya li ya gandja omushangwa gwenyenyeto kuNgoloneya gwoshitopolwa Omusati Erick Endjala taya indile opo ounivesiti yawo yi shangithwe kolutu halu ithanwa Health Professions Council of Namibia (HPCNA).

“Tse oshitopolwa shaagundjuka mboka inaa ya hala okuhepeka ethimbo lyawo mokunwa omalovu, pehala lyaashika tse otwi ishangitha okwiilonga uupangi oshowo uuvalithi. Otwi inekela oshilongwa nenge iilongwa mbika oyina oshilonga onkene otwa pumbwa okushangithwa nolutu oluwiliki lwaa neithano lyuundjolowele,” pashangelo lyomukanda gwenyenyeto.

Aalongwa oya lundile aantu oohandimwe mboka oyo taya tsitsimike aalongwa opo yeethepo eilongo lyawo posikola ndjoka. “Otatu indile epangelo opo lyaapulakene kaantu mboka. Tse otuuvite kutya omusindalongo nguka gwa UNITECS ogu uvitike kombinga yelongo lyuupangi nuuvalithi,notu uvite kutya elongo ndika olili nawa olya pumbwa ashike okunyolithwa naHPCNA,’osho omushangwa gwa indile.

LEAVE A REPLY

Please enter your comment!
Please enter your name here