Touch & Go naye a ninga Simon yaMalombo  

0
203

Windhoek- Uudhano woliha yaMTC womumvo guudhano  2014/15 owa hulu ehuliloshiwike lya piti sho oospana odhindji moliha ndjika dha, dhanene omaudhano gadho gahugunina Olyomakaya yayi oshilongo ashihe.

Momaudhano ngaka oospana ndatu dhomoliha yopombanda odha lalekwamo shono inaadhi vula okumona iitsa iiwanawa okukala natango tadhi dhana muyo.

Oospana ndhoka dha lalekwamo moliha yopombanda odho Benfica, Touch & Go ndhika nando yimwe yomudho ya li ya dhana noku sindana esindano lyayo kalya li we tali yi hupitha okutuminwa koliha yokoshitopolwa shotango komahala gokiitopolwa.

Touch & Go’ ospana yomOtavi oya li ya inekela kutya otayi vulu okuhupa ngele andola oospana dhilwe odha dhengwa koonkwawo ihe ndhoka ndjika ya li ya tegamena okuhupithwa kudho , ndhoka odhi ihupitha dho dhene.

Touch & Go okwa li ena okuhupa ashike ngele okwa dhenge Benfica, shoka eshi ningi, ihe etegameno lyawo olya li lya kankamekelwa kokudhengwa kwospana ya Eleven Arrows kospana yo Blue Waters nenge ospana ya Julinho Sporting ta yi dhengwa ando kwaandjoka yoUnited Stars. Omupya omunene oongoka kutya oondjodhi ndhoka adhihe inadhi tsila Touch and Go nawa, oshoka Arrows okwa dhenge Blue Waters ye Julinho Sporting ta sindi United Stars, ye Touch and Go okwa thigala puukukutu pokuma pwaanomeya.

Omolwashika,  Touch & Go okwa joina  Benfica nooRebels okuya kooliha dhopevi momahala ngaashi Touch and Go ota ka dhana koNorth-West Stream First Division (NWSFD), Benfica ota ka dhana koNorth-East Stream First Division (NESFD) omanga Rebels ota ka dhana ko Southern Stream First Division (SSFD).

Oospana oompe ndhoka tadhi kulukile moongaku dhaandhika odho Flamingoes tayi zi ko  SSFD, Young Chiefs tayi zi koNWSFD nospana yo  Rundu Chiefs tayi zi ko NESFD.

 

 

LEAVE A REPLY

Please enter your comment!
Please enter your name here