Warriors okwi ilongekidha okudhana nawa mekopi lyoCOSAFA

0
245

WINDHOEK – Ospana yaNamibia yetanga lyokoompadhi oyili moSouth Africa oku ka kutha ombinga muudhano wekopi lyoshitopolwa shUumbugantu wAfrica nenge COSAFA regional cup okutameka Osoondaha ndjika.

Brave Warriors okwa yi koSouth Africa kuyele kuna oshiwike shimwe opo uudhano mbuka wu tameke nelalakano oku ilongekidhila uudhano we wotango nawa mboka ta ka dhana nospana ya Seychelles Osoondaha ndjika.

Ospana ya Namibia oya yunga ontanda yayo yomaidheulilo moPretoria moka aadhani yomegumbo ya tsakanene naadhani mboka haya dhanene pondje yoshilongo oyendji yomuyo haya dhanene oospana moliha yopombanda ya South Africa.

Ospana oya ehamekwa konkundana kutya omudhani gwokomeho nomutulimo gwookoola kamana ngoka ha dhanene ospana ya South Africa yo Bidvest Wits University , Henrico Botes ita ka joina ospana molwashoka ina ethiwa kosipana ye. Oshinima shika osha halutha aawiliki naadheuli yo Brave Warriors oshoka yo oya li inaa ye shi tegelela.

Omudheuli gwo Brave Warriors, Ricardo Mannetti okwa ulike okuuva nayi kwe kombinga yetokolo lyospana yo Wits oku indika Botes a joine ospana yopashigwana miinakugwanithwa yopashigwana.

“Oya ti ethimbo lyuudhano mbuka kali shi ethimbo lyopaFIFA onkene yo ina ya thiminikwa okumangulula omudhani nguka opo a ka dhane, nonando ospana ye ngashingeyi ka yina uudhano washa molwashoka oliha oya ya manga mefudho, onkene kandi uviteko kutya mbaka oya  tindila shike okumangulula omudhani opo a ye kiilonga yopashigwana” Manetti iipula ngaaka.

Mannetti okwa ti ngashingeyi okwa thiminikwa okupingenapo omudhani nguka nomudhani gulwe gwokomeho, na okwa tegelelwa opo osipana yi konge omudhani ngoka ta yi pehala lya Botes. “Omupya oongoka ashike kutya itandi puka kombinga yomumati nguka, tashi ti otwa kanitha omudhani gwongushu oshowo omudhani gwokomeho ngoka aadhika ta dhana nawa pethimbo ndika, onkene oshidhigu okumona omudhani guukwatya wafa we ngoka ta ka dhana pehala lye.

Omudhani gwa Namibia ngoka hadhanene ospana Gaborone United ,Benson Shilongo okwa tegelelwa a ka joine ospana ya Namibia uuna ndjika ya dhana naandjoka ya Seychelles ehulilo shiwike ndika molwashoka nguka okuna natango oshinakugwanithwa mospana ye ndjoka hayi dhana moliha yopombanda ya Botswana.

Brave Warriors mboka yeedhililwa pehala lyedhina High Performance Centre moPretoria omanga inaa ya ya koMoruleng, oku ka tameka uudhano wopashitopolwa, otaya ka dhana tango nospana ya Seychelles ndjoka yaashiwike kutya ohayi dhana ngiini pokapale ka Maruleng moNorth West Province, Osoondaha.

Omaudhano ogeli ngaashi taga landula.

17 May 2015

Namibia vs Seychelles 15h00

19 May 2015

Namibia vs Mauritius  19h30

21 May 2015

Namibia vs Zimbabwe 17h00 .

Ospana yo Brave Warriors oya tungwapo kaadhani aanawino oshowo mboka yena owino oshona muudhano wopaigwana yo aadhani ongaashi taya landula.

Aakwati Virgil Vries na Max “Slimkat” Mbaeva; Aadhani yokonima Dudes Mwedihanga, Chris Katjiukua, Denzil Haoseb, Ananias Gebhardt, Gregory Aukumeb, Dennis “Law” Tjetinda; aadhani yomokati kokapale Neville Tjiueza, Ballack Somaeb, Pikes Shalulile, Stigga Ketjijere (capitiya), Wangu Batista Gomes, Joslin Kamatuka, Petrus “Dancing Shoes” Shitembi, Deon “Deep Purple” Hotto; aatulimo yookoola Nicky Musambani, Sidney Urikhob na Benson Shilongo.

 

LEAVE A REPLY

Please enter your comment!
Please enter your name here