Ya gandja esimaneko kuyina yaD-naff

0
285

TSANDI-Aahikingalo omulongo 15 aaNamibia noshowo aahikingalo yopondje yoshilongo oya li ya ningi omauliko goongalo moshitopolwa Omusati ehuliloshiwike lyayi .Omauliko ngaka oye ga ningi poshituthidhimbuluko shanakusa Lusia Usko, ngoka oye yina ya Naftalie Shigwedha Amukwelele  a tseyika nawa D-Naff.

D-Naff omuhikingalo omusimani moNamibia ngoka a sindana omapapa ogendji oshowo omuhikingalo gwoongalo dhi holike ha imbi nokutangumuna.

Oha imbi oongalo tadhi tsu omukumo dholudhi lwopambepo he shi ningi molupe lwokwaito, hip-hop,kizomba ,dancehall no afro pop. D-Naff omukumiki woo na okwa gandja iipopiwa yomakumagidho poosikola dhi vule omilongo 30 moshilongo oshowo okwa kumika aanasikola naailongi poUnivesiti yaNamibia oshowo oosikola dhelongo moVenduka,Ongwediva nokwa popitha wo aalongwa poPolytechnic yaNamibia.

Dnaff nefamilia lye oya li ya ningi omauliko pEndombe mOngandjera moshitopolwa Omusati pamwe naahikingalo 47 mwa kwatelwa aandanisi yawo.

“Omolwoshituthidhimbuluko shameme otwa tokola okuninga omauliko goongalo dhetu poTsandi nopOkahao okugongela oshimaliwa molwolweendo lwookuume aahikingalo mboka ya zi kokule okukala pamwe natse,’osho D-Naff a ti.

Aahikingalo yatatu oyo  Mulenga Mulumbwa omwiimbi gwoondjimbo dhopambepo aza koLusaka moZambia.Ngoka ali iimbi ongalo ye tayi ti Kalunga ote ku yambeke ngashingeyi.Omanga Mark Kasomo aka Mark B3 okwa tseyika nawa ongo omwiimbi gwoRNB oshowo omaimbilo gopambepo okuza tuu nkene a ningile omwiimbi omumvo 1999.Omwiimbi omutitatu oye Mbangweta Mwendaweli a tseyika wo nedhina TY2 ngoka a ziliile koJohannesburg.

Omaulikongaka oga hokololwa ku yamwe yaamboka ya li pugo kutya otaga hwameke oshowo otaga kumike unene aagundjuka  mboka yiilongekidha okujoina oshikondo shomusiki.

Omunandjungu gumwe moshigwana, Johannes Shaanika okwa li a popi ohapu ndjika pethimbo lyomauliko ngoka ganingwa kaahikingalo yomoshilongo okudhimbulukwa onkalamwenyo ya nakusa yina ya D-Naff.

Aahikingalo yamwe mboka a tumbulapo ongaashi Swartbaster, Fisherman, Yashe tati Pii, Uno boy, Tequila, Sara, Tunakie, Dyna, Ty2, Mark B3, Atushe , Amatokoloshe, Shot gun, S-man, Peziko noyendji  inaa vula okuya tumbula ayehe komadhina.

“Omauliko ngaka otage tu kwathele okutseya oonkulungu moondjimbo nomiiyimbo dhomoshilongo noshowo otayi tu pe ompito opo tu kale nomakwatathano noonkulungu ndhika oshowo ekwatathano naantu yalwe momandiki gehumokomeho moshitopolwa ashihe,” Shaanika a ti.

Okwa ti oku uvite uuntsa oshoka omaimbilo gaahikingalo mbaka oga gandja etumwalaka tali longo kombinga yokukala nombuto yoHIV omanga iiyimbo yimwe oya li tayi popi etumwalaka  lyuuKriste.

“Aahikingalo yamwe oya li yiimbi omaimbilo taga hungu oomwenyo dhetu tse ooitaali yaKristus, omanga gamwe ogetu longo omithigululwakalo dhetu,” Shaanika a ti.

Omauliko goludhi ndoka otaga ka kumika aagundjuka opo ya landule eithano lyoku hika oongalo noku imba oondjimbo, ndhoka tadhi talaleke omadhiladhilo gaapulakeni yadho. “Iiningwanima ngaashi mbika oya simana oku ningwa pomuthika gwoshikandjohogololo’’osho ati.

 

LEAVE A REPLY

Please enter your comment!
Please enter your name here