Clouds Trading a gandja omagano koshipangelo shaNandjokwe

0
215

ONIIPA – Ehangano lyo Clouds Trading Enterprises mEtitano lya piti olyali lya gandja omagano koshipangelo shaNandjokwe, konima sho Minista gUuhaku, Bernard Haufiku ali a talele po oshipangelo shika omasiku ga ziko noku mona kutya oshili mompumbwe onene unene kombinga yokombitha.

Omukuluntuwiliki gwehangano ndika Claudia Mbura-Kandetu ngoka oye mwene a gandja omagano ngaka koshipangelo shika, okwa ti ehangano lyawo olyaaNamibia yoyene ta ye li wilike. Ehangano olya gandja eshina lyokufulukitha/okuyenyeka omeya lina oolitela 250 oshowo oshipana shokukangela shina oolitela 80.

Kandetu  pethimbo ta gandja iiyakulitho mbika yi ka longithwe kokombitha yoshipangelo shaNandjokwe okwa ti okwa li uuvuko eindilo lya Minista gUuhaku omolwa sho eeta ohenda nokwa tokola opo a gandje shoka enapo, ye a kwathele oshikondo shokombitha shono hashi telekele aavu oyendji moshipangelo osho tuu shika, nota holola kutya oha ya telekele moombiga oonshona unene.

Ta gwedhapo kutya ehangano moku uva onkugo ya Minista Haufiku olyali lya tokola opo li yamukule kompumbwe yoshipangelo molwaashoka olyali lya pewa oshinakugwanithwa mo 2013 li kale tali gandja noku topola iikulya moshipangelo osho tuu shika.

Ehangano ndika inali gandja owala omashina ngaka olyali woo lya gandja ookila dhokutalaleka dhili ndatu iiyaha yokuyogela komukunda kehe yili 13, ehwata lyuusindo uumbele oshowo uufoloko wokulitha na yilwe oyindjiyindji.  Kandetu ta ti oya gandja ayihe mbika opo aavu ya vule okulongekidhilwa iikulya ya gwana nopethimbo limwe yo ya mone epango neyakulo alihe ya pumbwa ethimbo yeli moshipangelo taya pangwa.

John Lumbu omukalelipo gwaapangi mOnandjokwe pethimbo ta taambako ayihe mbika okwa li a holola enyanyu lye ,ye ta pandula ehangano lyo Clouds Trading sho lya yamukula kompumbwe yoshipangelo ta ti  oya kala taya longo nuudhigu kokombitha oshoka oyali owala yena oombiga oonshona nonande oshipangelo shina aavu oyendji. Lumbu ta ti nonande ya pewa mbino natango oyeli mompumbwe yoombiga odhindji yo ya vule oku longa ya manguluka omolwa omwaalu gwaavu ngono tagu indjipala esiku nesiku moshipangelo.

 

LEAVE A REPLY

Please enter your comment!
Please enter your name here