Komesho okuna ondjodhi onene

0
173

WINDHOEK-Nonando oyendji oye mu tseyele ashike mokuimba piituthi ngaashi yomavalo, nomainyanyudho gayoolokathana, omwiimbi gwoongalo dhoAfro Pop, Kwaito noDance Hall, Nambinga  Eitaalo, a tseyika nawa nedhina Komesho okuna ondjodhi onene ngele tashi ya moongalo.

Omwiimbi gwoomvula dhopokati (24) okwati omvula ndjika okwa tokola a manamo no ta dhiladhila nokuli okupititha omusholondondo gwoongalo dhe omasiku twa taalela.

Komesho okwa ti oalubuma ye yotango otayi kalukwa My wise dreams, shoka sha hala kutya ondjodhi yandje yanukapo.  “Onda dhila dhila muule washo opo ndi luke edhina ndika oalubuma yandje molwa ohokwe yandje yoongalo, mokuholoka po ishewe noproyeka yili ngeyika omolwa ondjodhi yandje ndjoka ya tsu, nondi wete nda ninga oshinima oshinene monkalamwenyo,” Komesho ta ti ngaaka.

Okwa ti oalubuma ye ota yi ka kala ya humbata omaimbilo 15 moka ta kwathelwa ngaashi kuKidd Ill, Young T, Anchux naSunny Boy.

Komesho okwa gandja ishewe olupandu ku yinakulu ngoka a tseyika nawa Mekondjo molwa omakwathelo agehe ngoka emu kwathela sigo oompoka eli ngashingeyi. Okwa gwedha po ta ti omvula tayi ya ota ka kutha ombinga methigathano lyegandjo lyomakopi kaahikingalo dhingi aaNamibia (NAMAs).

LEAVE A REPLY

Please enter your comment!
Please enter your name here