MoUnam ina mu adhika okanona mofreezer opolisi yati

0
186

ONGWEDIVA-Opolisi yaNamibia oya ekelehi ehokololo ndyoka lya taandele lya fa epeya koInterneta unene koFacebook noWhatsApp kutya moshiputudhilo shelongo shopombanda omwa adhika okanona ka kukutikwa, tayi ti mehokololo muka kamu na uushili.

Omupopiliko gwopolisi ya Namibia Inspector Slogan Matheus okwa ti oshiningwanima shika okwe shi lopotelwa mOlyomakaya kongulohi sho a dhengelwa ongodhi ashike sho ya ningi omakonaakono gawo inamu monika nando uushili moshinima shoka.

Ashike Mateus okwa ti moshiwike sha zako omwali mwa adhika okanona okashona lela metotolyiiyagaya kondje yaVenduka ka ekelwahi niiyagaya ashike yina yako  ina monika sigo ongashingeyi, ihe omunona nguka ina adhika moUnam ngaashi omitoto tadhi taandelekwa.

Etoto lyiiyagaya ndyoka olya olili popepi naUnam ashike kapena uuyelele wothaathaa mboka tawu ulike kutya okanona oka ekelwahi ku gumwe gwomaalongwa yomoUnam.

Etoto ndyoka hali ithanwa Kuppferberg Dump lili konyala ookilometa hetatu sigo omulongo muuninginino waVenduka ohali umbilwa iiyagaya yaza moshilando ashihe shaVenduka.

Mehuliloshiwike ndika omwali muna omahokololo taga popi kutya aniwa omwa adhika okanona okanene, ka kola ka kukutikwa mofreeza yomunasikola gumwe moshiputudhilo sho pombanda shaUnam moVenduka .

Ehokololo ndyoka lyali tali tilitha omuntu olyali tali ti anuwa gumwe gwomaanasikola okwa li a dhimbululwa ku yakwawo ena epunda ashike konima yomasiku okwali a monika kee li na we.

Sho yakwawo ya yi mondunda ye anuwa oyali ya mono mo okanona ka kukutikwa.

Ashike ehokololo ndyoka kali shi lyoshili anuwa , opolisi oya ti oya ninga omakonaakono agehe taga vulika ashike kamuna nando uushili mehokololo lyoludhi ndoka.

“Oshili ka tu shi nande ngoka a taandelitha omahokololo goludhi ndoka oshoka ota ga halutha noku ngwangwaneka oshigwana,” Matheus a ti ngaaka.

Oya ti kethanao ndyoka tali taandelithwa kembo lyiipala kointernenta ka ye na mo sha okuninga shila ongele pena omuntu aya kombelewa yawo ta piyaganekwa kethano ndyoka.

LEAVE A REPLY

Please enter your comment!
Please enter your name here