NTRA ota unganeke oshigongi shoombesa nootaxi mOshakati

0
177

ONGWEDIVA – Ehangano lyoNamibia Transport Reform Association (NTRA) otali unganeke oshigongi shooyene yoombesa ndhoka hadhi ende iinano iile nootaxi.

Victoria Kauluma ngoka eli Omukwatelikomeho nOmupresidende waNTRA okwa ti oshigongi shika osha tokolwa opo shika kale ko mEtitatu lyomasiku 27 Mai koombelewa dha Town Council mOshakati.

Kauluma ta ti miikundathanwa omwa kwatelwa okapale koombesa mOshakati, omukweyo pokapale nokukelela okuhumbata aantu, nokungeshefa mopate kaakuli paveta.

“Aantu yetu (ooyene yoombesa) ota ya mono iihuna shaashi ookastima (aafaalelwa) ohadhi hakanwa po owala kaantu mboka yena uuhauto wiipundi iheyali nokootuukala, nonando moNamibia kamu na nande okatendo kamwe kopaveta taka gadja uuthemba kaantu mbano opo ya hinge nokungeshifa miinano iile. Ashike iinima oyindji ota tu ke yiikunda koshigongi.

Kauluma ngoka ta ti ehangano mongashingeyi oli na iilyo ya konda paantu yeli 2000, okwa lombwele Kundana kutya oshigongi shika nando osha nuninwa ooyene yoombesa nootaxi monooli, okwa ti kehe ngoka ena ombesa nenge otaxi te kiiyadha mOshakati momasiku 27 gomwedhi nguka, okwa manguluka oku ya shaashi oshikumungu shika osha guma oombesa nootaxi moshilongo ashihe.

 

LEAVE A REPLY

Please enter your comment!
Please enter your name here