Ombilive yEeguluka kOminista yElongo

0
247

KOmusita Gabriel Hilifa Nekongo

Iinima mbyoka ya pumbwa okulundululwa, okugalulwa nokukumikwa komulandu gwelongo nayi kwatele mo omalelo gopamuthigululwakalo, olufuko nenge efundula, noshowo ekwatelokomeho lyongeleka momikankalongo dheiyuvo lyokomwenyo oshowo elongo okupitila miiputudhilo 

 Onda hala oku gandja ethaneko kutya omalelo getu gopamuthigululwakalo ga lundululwe nokulukululwa poompito dhimwe okuyanda uukwamuhoko oshowo omwiityo gwokatongotongo. Omulandu gwaakwaniilwa yomihoko dhayooloka oshowo ogwa pumbwa okukuthwa po koveta.

 

Otandi dhiladhila kutya Namibia okwa pumbwa ashike omukwaniilwa gumwe gwoshigwana ashihe, kashina mbudhi kutya omukwaniilwa otazi koshitopolwa shokoKeetmanshop nenge omOndonga.

 

Otuna okupandula Omundohotola Sam Nujoma molwa omukumo gwe noonkambadhala dhe okugalulila po iituthi yopamuthigululwakalo yimwe yoshiAfrica ngaashi Olufuko/Efundula ndyoka hali ningilwa pOutapi muAuguste omumvo kehe.

 

Opwa li Aakriste yamwe mboka ya li ya gandja uusama kombinga yOlufuko ye lu tala ongo oshinima shuupagani. Oonakugandja uusama mbaka ina ya koneka kutya mongeleki yaKristus na mo omuudha iiningwanima yaapagani, mbyoka ya yukipalithwa nokuopalekwa kongeleka yoyene. Oshiholelwa okalinga kehokano oshowo okudhimbulukwa Opaasa mOsoondaha yeyumuko, okutumbula po ashike yimwepo.

 

Pandjokonona Ongelki moNamibia oyo yali omupunguli gwomikanka nkalelo yuuntu oshowo womikanka dhelongo lyopakademi, ihe ngashingeyi oongelki dhimwe odha gamu kako komulandu nguka na otadhi ningi aantu yamwe aasita oshowo aadiakoni inaa ya longwa nawa kombinga yuusita.

MNamibia, ngashingeyi omuna aasita kaa ye shi okupopya Melaka lyopambelewa [Oshiingilisa]. Pethimbo ndika otuna omashongo ogendji gopankalathano ngoka ga pumbwa okupotokononwa kaasitagongalo, oshiholelwa omategelelo mokati kaanona yosikola oshowo omaidhipago. Ngele otwa li tuna aasita naandiakoni ya longwa nawa ando mbaka otaya vulu okulonga ongaa iyambi mokuhunga omwenyo moosikola oshowo moshigwana. Onkene otandi thaneke kutya Oshikondo shElongo nashi kumike elongo mokati kaasita yomagongalo mokukonaakona aasita mbaka kombinga yontseyo yoShiingilisa. Omakonaakono ngaka oge na okunyolwa kaasita naandiakoni mboka haya gandja omayakulo mokati koshigwana. Oyi na wo okuningilwa mboka haya hokanitha, mboka haya longo miipangelo, moondholongo nosho tuu.

 

Tangi unene

 

 

LEAVE A REPLY

Please enter your comment!
Please enter your name here