Sometime ota ka pititha oalbum ye ontiyali

0
228

KUVUKILAND – Omumati omugundjuka ngono ha hiki oongalo Haikali Tuulongelwa a tseyika nawa nedhina Sometime otaka pititha oalbuma ye ontiyali kuyele nuumvo.

Sometime okwa tameke okuhika oongalo momuvo yo 2005 manga omushona lela. “Molwa omuntu sho wali owala to imbi wu tale mpo to hulile ondali nda mono kutya nani ondina omagano gokwiimba, onda kambadhala ndi imbe okangalo kandje kotango hono kali ka pendje omukumo ndiye mehangano lyaahikingalo aaNamibia” Sometime ta ti.

Ta hokolola kutya okwa kala noku imba nomo 2010 okwa li a pititha oalbuma ye yotango mono a holola kutya omuna uungalo wuli 16 , wumwepo womuungalo mono ta wu adhika moalbuma ndjoka tayi ithanwa Omakoma omuna ngaashi Kashali shipu, Tate tumenge,Omakoma,Atweende,Mowela nawulwe woo.

Sometime oha hiki oongalo dhoGospel,R&B,Kwaito,Kudulu noludhi lwoKwiku.  Ta gwedhapo kutya okuna edhiladhilo opo a pitithe oalbuma ye ndjoka ontiyali muDesemba nuumvo. Ta ti okwi ipyakidhila noalbuma ye ndjoka tayi ka kala yina oongalo 11 no tayi ithanwa Evi lyOmapendafule,ta ti uungalo owundji mboka wuli moalbuma ndjoka tayi ka pita okwe wu hikila oonakulwa aakulu naakondjelimanguluko yaNamibia.

Muungalo we owundji okwa kwathelwa ku One Arm oshowo ku Makipa ayehe yeli aakalimo yomoShomeya moka. Sometime ta ti pethimbo ta putuka okwa kala ena ohokwe yoku imba oongalo no ta holola kutya ondjodhi ye oya ningi owala yoshili sho i iyadha ta hiki noku imba oongalo shono osho a kala a hala okuninga manga ali omunona omushona. Ta indile aahikingalo aaNamibia ya longele kumwe moku taandelitha etumwalaka ewanawa tashi pitile moongalo. Okwa tsu woo omukumo mboka yena oshipewa shokwiimba ya longithe ompito yo yaye mehangano lyaahikingalo aaNamibia.

Ta gwedhako kutya olundji oha nyanyudha pooshow, pomaulikilo giipipindi oshowo piigongi yoSwapo.  Ta pandula ayehe mboka haye mu yambidhidha.

LEAVE A REPLY

Please enter your comment!
Please enter your name here