Savannah Afros ota yi ka imba koWarehouse Theatre

0
172

WINDHOEK-Konima ashike yokuulika uunyakwa nuunongo wawo koshituthi oshititano shegandjo lyomakopi kaahikingalo dhingi Aanamibia (NAMAs), moSwakopmund petameko lyomwedhi nguka, ongundu ndjoka yedhina Savannah Afros otayi ka imba ishewe koWarehouse Theatre mEtitatu twataalela, naatali ota ya katala oshali.

Savannah Afros ongundu ndjoka yina aatuungi po yawo yaHamano mboka haya imbi omaimbilo gatsa, noyali yatotelwa moHarare, Zimbabwe, kuTapuwanashe Munyayi momumvo 2009.

Ohole yawo moongalo oyali ye ya adha manga yali aashona lela pethimbo taya putuka momagumbo gawo, pethimbo yali ha ya imbi nokundaanisa manga taya koko molwa ashike oku iiyuvitha nawa.

Aahikingalo mbaka ohaya imbi nee niilongitho ngaashi ooMbira, oMarimba, ooNjembe noongoma dha Afica. Nonando oongawo, aayimbi mbaka oha ya imbi omayimbilo gawo momalaka gayoolokathana ngaasho moshiingilisa nomalaka omakwawo ogendji.

Ongundu ndjika oyali yamono ompito okutaambathana omithigululwakalo dhayoolokathana muuyuni mokukwatelapo ekwatathano hashipitile moku imba pamwe naahikingalo yayoolokathana. Nonando oongawo, aayimbi mbano oyena omulyo mokwiimba oongalo dho Afro fusion jazz, Soul, Pop naadhoka dhomithigululwakalo.

Oomvula dhapiti oya kwathelathana naahikingalo oyendji mboka ishewe ya imba omaimbilo pamwe nayo.

Kumwe onga ongundu yaahikingalo, oSavannah Afros oya tompola okutotapo omulyo gwoongalo tagu ithanwa oZimbo, ngoka gwavundakanithwa mumwe noongalo dho shiZimbabwe nodho shi Southern African.

Oshiwike tashiya aaNamibia oyendji ota ya ka uvithwa nawa kahikingalo mbaka nakehe gumwe okwategelelwa akale aholoka.

LEAVE A REPLY

Please enter your comment!
Please enter your name here