Ta tamanekelwa elikufo ledimo

0
165

ONGWEDIVA – Ovakwapata vomukainhu weedula 24, mOsoondaha yadja ko vati ova haluka neenghono, eshi ve li twa omudimba wokaana ina ka fika okudalwa ve u hanga koshi yombete.

Oshiningwanima eshi osha tulifa modolongo omukainhu wedina Hambeleleni Simon, a dile komukunda Ohalushu mOshitukulwa shaHangwena.

Otaku hokololwa kutya ovakwapata vaSimon ove li twa moikulumanene ei, konima eshi vemu twalwa meendelolo koshipangelo kEngela eshi va didilika kutya ka li e udite nawa.

Vati omanga e li moshipangelo, omukainhu ou okwa yandja oshapi yopondunda yaye kovaneumbo opo va ka kufe mo sha.

Ashike momupatulula ponduda, ovaneumbo vati ova haluka eshi ve li twa mohonde ili mondunda.

Moku talaa-tala nawa ove ke litwa nee mokamudimba kokaana ina ka kola.

Eshi osha eta nee opo va dengele opolifi oyo ya ka kwata po omukainhu ou omanga nokuli eli meembete.

Simon okwa patululilwa oshibofa shokukuholeka oufimba nokukufa mo edimo.

Ouyelele ou owa kolekwa kOmupopiliko wOpolifi mOshitukulwa shaHangwena Sisande Abner Kaume Itumba.

Itumba okwa ti omukainhu ou okwa li ena edimo leemwedi nhatu, na kali eli lombwela ovakwanedimo.

LEAVE A REPLY

Please enter your comment!
Please enter your name here