A thigi po iilonga molwonkambadhala yekwatonkonga

0
258

OSHAKATI-Omukadhona gwomimvo 27 okwa zinda oshipala nokuli muumbanda sho omugameni gwomaliko emu dhengagula sho anuwa a popi kutya omulumentu nguka okwa ningi omasiku ta ningi oonkambadhala dhoku mu kwata onkonga.

Omukadhona gwedhina lishiwike ku Kundana ashike itali popiwa mokugamena uukwatya we okwa ti okwa li ha longo poongeshefa hadhi ithanwa Super Sport mOshakati ashike opwa li puna omugameni gwomaliko te mu piyaganeke sho a kala noku holoka mondunda ye yokulala uusiku inaa pewa epitikilo lye.

Omukiintu nguka ena okanona okwa ti kutya security gwedhina Meskiny ndyoka olyo ashike eshi oha holoka ashike mondunda ye yokulala uusiku eta pula omukadhona ahule mo iikutu ye, ihe ye aluhe oha tindi okushi ninga.

“Iikando yimwe ohandi mu tilitha kutya otandi kugu na zemo mondunda yandje ye ta zimo. Opuna nee esiku limwe a kwatele omaako gandje konima ta lombwelendje ndi ihule iikutu ashike inandi shininga,” omukadhona ati ngaaka.

Okwa ti kutya oha kala a hala okupopya paantu kutya omulumentu nguka ohemu piyaganeke ihe okwa li atila omwenyo gwe oshoka otashi vulika egu tule moshiponga unene sho ngaa emu ningile omatilitho.

Shoka nee tashi tilitha ooshoka kutya sho omukiintu nguka a hokololele omukuluntu gwawo piilonga ngoka keeshi mwene gwoongeshefa, Meskiny okwa li emu ponokele ndele temu dhengagula nomankawa moshipala temu pula kutya oshike eshi popile.

Omugundjuka okwa tokola opo a thige po iilonga meendelelo oshoka okwali a tila a longelwe iinima iiwinayi komuntu ngoka.

“Onda tokola opo ndi thige po iilonga meendelelo oshoka ondali nda tila a monithe ndje oshiponga, ashike mwene gwoongeshefa sho a tseyithilwa okwali ashike a geele ndje sho nda thigi po iilonga ye,” osho omukiintu a hokolola ngaaka.

Sho omupya osho guli aniwa omukiintu nguka okwa yi koshitaasi shopolisi a ka hokolole ehokololo ndika ihe ka kwali a mona ekwatho.

Ashike komufala gwopolisi mOshana Komissiona Ndahangwapo Kashihakumwa okwa ti omukiintu nguka okwa ninga epuko oshoka ina ninga nando onkambadhala ontiyali okupula ekwatho kaapolisi.

Okwa ti iinima yoludhi nduka oya nika oshiponga na oya pumbwa oku lopotwa moompadhi oontalala.

Kashihakumwa okwa kumagidha omukiintu nguka opo a shuneko koshitaasi shopolisi a ka konge ekwatho meendelelo ngaashi tashi vulika.

Mwene gwoongeshefa ndhika okwali ta ningwa omakwatathano naye ku Kundana ashike ongodhi ye yopeke ka kwali tayi piti pethimbo ndyoka.

LEAVE A REPLY

Please enter your comment!
Please enter your name here