Thomas Indji a popitha aanasikola poIUM

0
285

ONGWEDIVA-Aailongi poshiputudhilo shopombanda shoIUM mOgwediva oya li ya longekidha ohungi yowina yokukumika aailongi etiyali lyaziko moka yali ya popithwa kaanawino yayooloka mwakwatelwa Omunashipundi gwehangano lyaanangesefa NCCI koNooli, Thomas Koneka Indji.

Moshipopiwa she Indji okwa li a indile aanasikola opo ya kale aavuliki, yo yakale haya pangelwa koshili nokulonga nuudhiginini opo ya ka likole iiyimati iiwanawa konakuyiwa.

Okwa ti aanasikola naya simaneke aakuluntu mboka yeli haya ningi ashihe taya vulu okumona kutya elongo lyaanona yawo ota li humu komeho.

Ta ti elongo olyo oshipaptululo nongele kalipo nena iita yoku kandulapo oluhepo ita yi vulu okusindika.

Indji ta ti Namibia okuna omapendafule ngoka gekondjelo-manguluko ashike ngashingeyi otwa pumbwa omapendafule gopaliko ngoka taga ka mangulula oshilongo shetu kohi yuupika wopaliko.

Okwa indile aanasikola ya mange sha pama mondjila yelongo lyawo oshoka elongo olyo alike osheenditho tashi vulu oku eta iiyimati iiwanawa noku nawapaleka onakuyiwa yomuntu, ta ti ngele oya ningi nawa melongo lyawo nena otaya ka nyanyudha aakuluntu yawo na ota ya ka kala iiyimati iiwanawa koshilongo oshoka oshilongo osha pumbwa aantu ya longwa.

Indji okwa ti ethimbo olya thika opo Namibia a tunge po Oofaambirika dhokuhambudha, opo oshilongo shi kale shi ithikamena ku shoshene miilongomwa oyindji.

Kasita Simon gumwe gwomaanangeshefa aashona okwa li a tulileko wo aanasikola koombiga dhawo nomakumagidho sho eya lombwele kutya uunangeshefa owa pumbwa aamati naakadhona yeshi okwi idhidhimika na kayeshi mboka haya tila enota nenge ye hole omainyanyudho ga pitilila.

Okwa ti ngele opuna ngoka a hala atungepo eithano lye lyopaunangeshefa nena oyena oku dhimbwa uundingosho nomahala gomainyanyudho oshoka mbyoka  ihayi longele kumwe nongeshefa.

Ohungi ndjika oyali ya kalwa komukuluntu gwo IUM koNooli Freddy Mwiiya opamwe naaniilonga po shiputudhilo shoka.

Elalakano lyohungi olya li oku kumika nokutsa aalongwa yoposhiputudhilo shika omukumo noku hwameka oonyeka dhawo dhokwiilonga dhi kale dha hwamenena.

LEAVE A REPLY

Please enter your comment!
Please enter your name here