Vahapu ve likufa omwenyo mOmusati

0
205

OUTAPI- Ovanhu ve li 27 ove li mangeleka moshitukulwa shaMusati okudja muJanuali fiyo omu Mai 2015.

Vahapu vomwaavo ve li kufa omwenyo oveli pokati keedula 24-50. Omunhu munini kuvakwao okaana kokakadona keedula 12 kadile kokoshikandjohoololo shaTamanzi nomukulunhuelela, omukulupe omukulukadi weedula 101 womoshikandjohoololo shaElim.

Moiningwanima oyo italala, Omupopiliko wopolifi yoshitukulwa shaMusati Lineekela Shikongo, okwa shiivifa ovanhu va vali ve limangeleka momafiku a yooloka peenhele da yooloka moshitukulwa shaMusati lwomexuliloshivike.

Oonakufya ovo omunamido 54 Shivute Amadhila wokOniimwandi moshikandjohoololo shaTsandi, e lituwa e li mangelekela monduda yaye komatango yefiku 15 Mai neudo na Ndapandula Tuuthigilwa Sakaria.

Shikongo, okwa ti opolifi oya panda po omuvelo wonduda momuhandjo wosekundofikola Etalaleko mOkahao, tai hange mo omudimba wa womido 26 Ndapandula Tuuthigilwa Sakaria. Omudimba owa hangika wa nyonauka.

Nakufya otaku tengenekwa e li mangeleka mexuliloshivike, eshi a li  aeke meumbo loilonga.

Shikongo ta yelifa kutya, ovanailonga pamwe nomukainhu ou mEtalaleko eshi va aluka okudja kokafudo kexuliloshivike mOsoondaxa, ova ufana opolifi konima eshi va didilika edimba lii tali di monduda yaSakaria. Opolifi ye uya nee i litwe momudimba. Sakaria  okwa dile komukunda Oshihau kOshikandjohoololo Onesi mOshitukulwa shaMusati, okwa fiya po okambapila.

 

LEAVE A REPLY

Please enter your comment!
Please enter your name here