Veli 297 okutewa kwavo moilonga kuNovaNam (Pescanova) ku talululwe

0
238

Lüderitz –Ovanailonga  veli 297 ova kanifa oilonga mo faabrika yo ku kwata eeshi yaNovaNam (Pescanova) mo Lüderitz ova hala ehangano eli li talulule etokolo eli.

Ovanailonga ve fike 300 ovalekelelwe moilonga mu Auguste 2012, omolu oshiningwanima shomomafiku 29 – 30 Juni 2012, omo ovanailonga kwali ta va fekelwa va vaka eeshi mo faabrika.

Oihokolola yovanailonga ava oya kala tai twilike eedula adishe odo. Metitano ladjako  ovanailonga ova shiivifilwa kehangano olo liva lilepo  NASAWU Namibia Seaman and Alied Workers Union  kutya oshibofa shavo osha ekelwashi komhangu ei ya shiyako o Supreme Court, onghene aveshe ava ova kanifa oilonga.

Ongudu yoo meme oya lombwela omutoolinghundana ta va ti kutya oya hala ovaleli voshilongo unene tuu omuPresidende woshilongo Omundokotola Hage Geingob opo ayemo moshinima eshi.

Mariana Nakanyala omupopiliko wongudu ei yoomeme va kanifa oilonga ota tumbula kutya , ka ve uditeko kutya omolwashike oshibofa shavo sha ekelwashi, shaashi voo ina va pangulwa. “ Moilonga otwa limo novalumenhu hatu longo pamwe ashike omo tweva fiya. Ovakainhu otwa hepekwa nai ku NovaNam , otwa li ovakainhu 300 ovo twa tewa moilonga , vamwe oha va wapaleke iha va longo neeshi, va tatu vomuvo ova xulifa nale nokuli.” Nakanyala osho a tumbula.

Nakanyala okwa tumbula yoo kutya ombelewa yaKomissiona wovanailonga ka kwali ye va mona ondjo, onghene okwa li ya shiivifa opo ovanhu ava va shune moilonga, ndele NovaNam oshibofa okweshi twala komhangu yo pombada oko shaya fiyo oko Supreme Court oko sha ekelwashi. “Vahapu vomufye otuna ounona vali va tambulwa koiputudilo yopombada, ofye kwali tuna okukala tweva futila, paife ovana vetu otuli navo moma pandavanda, otwa pumbwa Novanam a talulule oshinima eshi”. Nakanyala  ta twikile no ku popya kutya okwa li va teelelwa va pangulwe kooumwe noo umwe opo ou ena ondjo a monikemo yee ou ehena ondjo a shune moilonga, ndele oveu dite osho ina shiningwa .

Kansela woshikandjohoololo sha !Nami#nus  Jan Scholtz okwa haluka ,kekanifo loilonga yovanhu ovo veli aveshe ovakainhu, veli 297. Scholtz okwa tumbula momukanda oo a yandja koikundaneki ongula yOmaandaha oshivike eshi ta ti eshi ota shi nyemateke neenghono unene tuu eshi ovanhu aveshe ovo va kanifa oilonga veli ova kainhu.

Kansela ta tumbula kutya okuna oumbada kutya ekanifo loilonga kovanhu vefike apa komukalo woulunga ota u kwata exumokomesho modoolopa. Ta ti ovanhu ovo vakanifa oilonga vamwepo ovali vena omaumbo oo inaapwa okufuta, novena oshinakuwanifwa shokufila omadulo avo oshisho oo eli natango meefikola.

Scholtz ta tumbula kutya ombelewa yaye oyali ya nyolela omunambelewa omukulunhu pitifi wa NovaNam omukanda opo va tale nawa oshinima eshi shoulunga,opo ovanhu va pangulwe pauyuuki,  ndele ewilikongudu la NovaNam inali yandja na nde enyamukulo kombelewa ya kansela.

Mefilku olo tuu olo Kansela okwa nyolela yoo omukanda kOuministeli unasha nova nailonga opo uyemo eenyala moshikumhungu eshi. Scholtz okwa tumbula kutya otaka popya natango newiliko la NovaNam opo li talulule oshinima eshi.

Ta tumbula kutya omahangano oludi eli okuna okueetapo eemhito doilonga, ndele hakukanifila ovanhu oilonga.

Momukanda oo tuu ou Scholtz okwa tumbula kutya ota ka popya nOuministeli oo ulilepo ovanailonga neetepo leemhito doilonga ,kukonaakonwe  momahangano omo muna ovanailonga va helufuna efimbo lile. Ta ti omukundu wokuhelufuna efimbo lile , nauxule , opo ovanhu vakutililwe moilonga.

LEAVE A REPLY

Please enter your comment!
Please enter your name here