Yeli 14 yayi moshipangelo sho yanu otombo

1
378

 

 

OKONGO – Aantu yeli 14 oya li ya lalekwa mOshipangelo shEpangelo mOkongo, moka yali ya taambelwa sho ya nu otombo nomeya puukefe.

Mbaka oya kwatela mo aakiintu naanona ayehe ya za mokomukunda Onamafila muuzilo wOkongo. Otaku hokololwa kutya mOsoondaha yazi ko aanamukunda mbaka oya nu otombo puukamba wopomukunda gwawo mpoka shoka she ya etele opo ya ehema noonkondo.

Mwene gwokandingosho ngoka oye woo omulandithi gwotombo ndjoka opamwe nuunona we uli une, nayo oya li ya taambelwa moshipangelo.

Kuuyelele mboka wa gandjwa kumwene gwondunda Onamafila, omwana gwomukiintu gwedhina Helena Simon Nghidiwakusha, ngoka eli mwene gwokandingosho, okwa longitha endini epe moka a kwatele mo omeya ngoka a hangitha otombo.

Nghidiwakusha (34) anuwa endini okweli pewa komusamane gwe ngoka ha longo koMariental. Sho a pewa endini, omukiintu nguka anuwa okwa tula mo owala mendini uumeya eta shukusha, ina yoga mo nothewa.

Oyana yaNghidiwakusha anuwa nayo oya nu woo omeya gaza mendindi moka.


Aantu mboka yekiiyadha moombete dhOshipangelo shEpangelo shaKongo anuwa oya tameke taya kungu yo otaya kanitha oonkondo nokungambuka poshikando ashike mpoka sho owala ya mana okuithigila mo motombo. Yamwe yomuyo anuwa oya thiti omawi na kaya li taya vulu okupopya.

Shika osha landula sho aantu yatano anuwa ya landa otombo e taya thigile mo yakwao. Pethimbo mpoka, uunona waNghidiwakusha anuwa owa adhika wa ya kegumbo. Showa thiki megumbo nawo owa tameke okugomboka. Okanona kamwe ha kali kafa ina ka gomboka anuwa oka matukile kuundingosho andola kaka tseyithile aakuluntu ihe nako oka thikile owala taka alukwa.

Sho oonakuya kuundingosho ya mono Nghidiwakusha nookasitoma dhe yeli muupyakadhi, oye ya tutumba eta ye ya fala koshipangelo. Ayehe oya langekwa moombete moka ya lalekwa mo mEtiyali oshiwike shika.

Mboka yanu otombo oyati okwali tayi nika yafa omagongo.

Osha ka monika mo woo kutya kendini hoka okwa nyolwa ekumagidho kutya ima nu tulwa omeya, ihe aanamukunda mbaka kaya li ya lesha ko.

Omutonateli guundjolowele moshitopolwa moka Justine Kulaumone Petrus okwa kumagidha aantu opo yaa ha longithe omandini ga kwatelwa iinima nenge okemikalie ka ye dhi shi.

Petrus ta ti ookemikalie dhimwe hadhi kala omauzigo ngoka taga vulu oku eta oshiponga kaantu oyo ayeke nenge kiinamwenyo ayike nenge komudingonoko ogo aguke nenge nokuli kaantu, iinamwenyo nomudhingonoko pethimbo limwe.

 

1 COMMENT

  1. Shiwana na tu fimanekeni oukoshoki!

    Hava hamutumu omadini kaleni mushi shii nawa kutya omandini oo tamu tumine komaumbo, okwa koshoka/ayela noka ena oudjiyo washa meni.

    Ovamwatate amushe ava mwanwa oudjio ohandi mu halele eveluko tashipitile kOmushiti.

LEAVE A REPLY

Please enter your comment!
Please enter your name here