Aamati yathiki

0
220

WINDHOEK-Ongundu yaahikingalo yane mboka haya imbi oongalo dha tsa ngaashi Zulu Boy, Sixa, Doctie naAnchux ya tseyika nawa nedhina Ama Daz Floor osho ishewe ya pitiko noalubuma yawo ontiyali yedhina Twafika.

Omupopiliko gumwe gwomongundu ndjika Sixa, okwa ti oya tokola opo yaluke oalubuma yawo ndjika Twafika, okulandula esindano lyoalubuma yawo yotango ndjoka yali yataambiwa ko nawa koshigwana yedhina Mwakala Nale.

“Oalubuma yetu yotango okwali ashike okututseyitha mehangano lyoongalo, nosho woo tweyi luku Mwakala Nale oshoka oyendji oyakala yetu tegelela. Ashike oalubuma ndjika ompe paife oya hala kutya otwa thika nokapuna ngoka tetu thikameke opo kaatuye komeho,” Sixa ta ti ngaaka.

Okwa gwedha po tati oalubuma yawo ontiyali oyimwe yatetelwa uunyanga, noyina omulyo konyala gwoongalo adhihe na ishewe oya nuninwa omapipi agehe okuza komunona sigo okomukulupe.

Oalubuma yawo ndika ompeempeeka yi na ehwata lyoongalo 15 otamu adhika ngaashi oongalo dhoKwaito, House, Dancehall, Afro Pop noGospel.

Sixa okwa ti oalubuma otayi tungu yo otayilongo oshigwana ishewe pethimbo limwe oshoka omuna omatumwalaka ngoka taga kumagidha. Moalubuma otamu adhika nee ngaashi ongalo ndjoka  Uunona Vavenduka tayi popi omikalo dhaakadhona mboka yepipi lyopokati nkene haya ihumbata moVenduka. Otamu monika ishewe ongalo ndjoka Show Your True Colour na Omandengu, ndhoka dha dhenga mbanda.

Moalubuma muka otaya kwathelwa ku Anna, Dama Monique, Swart Baster, Ben naMento. Omanga komikwelengendjo yakwathelwa ku Shekeni, Tommy, Doctie, Mento, Becks naNasho Beats.

LEAVE A REPLY

Please enter your comment!
Please enter your name here