Ethigathano lyuukambe kOnamatanga ehulilo shiwike ndika

0
193

ONGWEDIVA-Ethigathano ekulukulu mondjokonona yoshitopolwa sha Musati lyoonkambe olya galukila mondambo moka kwa tegelelwa otsi yi ka tsime momeya ongula pokapale kaHelvi Kondombolo pOnamatanga.

Omukwatelikomeho guudhano mbuka, John Shaanika okwa ti omalongekidho oga enda nawa no yi ilongekidha oku taamba aayenda.

Shaanika ta tsikileko ta ti nuumvo oya tegelela oonkambe dhivule po 30 dhikale dha kutha ombinga methigathano ndyoka ha li dhanwa omumvo kehe pOnamatanga.

Okwa ti ishewe kutya nuumvo oya tulamo iinyangadhalwa yopamuthigululwakalo ngaashi ethigathano lyokutsa, uudhano wedhunga,uutati nosho tuu omupembe gwandema.

Shaanika ta ti oya tegelela oonkambe tadhi zi kiitopolwa ngaashi Alwaana,Uutsathima,Onandjamba,Omakange,Ochenowu nosho tuu omikunda dhopopepi.

“Mwene gwiita nkeyama Omukwaniilwa gwetu tatekulu Johannes Jafet Mupiya okuli gumwe gwomaayenda ya koleke kutya opo taya ka kala, na ota ka wayiminwa kosheendo sha Ngoloneya gwaMusati omusimanekwa Errick Endjala opamwe na Kansela gwa Ruacana omusimanekwa Abasta Iipinge.

KAMBWA Trading natango oye ta ka kwashilipaleka uudhano mbuka opamwe na KAPEX Trading ngoka ta ka kwashilipaleka iizalomwa yaadhani opamwe nuundini womeya.

Onamatanga oyili konyala ookilometa dhili 120 muuninginino wodoolopa yaKahao, oonkambe ngaashi Shaanika noMuputu gwaKandjala oya tegelelwa ya ka gamene omakopi gawo mpeyaka pOnamatanga Olyomakaya ndjika.

LEAVE A REPLY

Please enter your comment!
Please enter your name here