Okutondoka kwaOld Mutual kwa tseyithwa

0
191

WINDHOEK –Omathigathano gokumatuka goshikando oshitimulongo noshititano haga ithanwa Old Mutual Victory Race Series oga tseyithwa pambelewa moVenduka Etitano oshiwike sha piti.

Nuumvo iimaliwa mbyoka tayi ka topolelwa aasindani momathigathano gokumatuka ngaka oya thikama pooN$ 750 000 oshowo ooN$12 000 oshimaliwa shoku ilongitha shaamboka taya ka sindana momathigathnao ngaka.

Omugandjimayele miinima yokulundulula mehangano lyOld Mutual, Revonia Kahivere okwa ti ehangano lyoonamunate lyo Coca-Cola ndyoka lya kala nokulongela pamwe na Old Mutual oshikando oshitimugoyi otali gandja oonamunate oshowo iinima yimwe yokutseyitha omathigathano ngaka yongushu yoodola 60 000 , omanga Marathon  Sugar okwa gandja iinima yongushu yi thike poodola 55 000 oshowo oodola 40 000 koondjambi ndhoka tadhi pewa aasindani  mokategori kaatondoki aagundjuka.

Ehanganp lyoBusiness Connexion olya gandja ookompiuta dholudhi lwolaptop dhili mbali dhongushu yoodola 12 000 ndhoka tadhi pewa osikola oshowo ehangano lyaadhani yena uulema mOshakati nomoKaiti mboka oyo yena iilyo oyindji ya kuthombinga muudhano mbuka.

Welwitschia Travel okwa gandja ooN$5 000 opo dhi longithwe okufutila enyanyangidho lyoonomola ndhoka hadhi tulwa kombunda nomontulo yaatondoki. Ye Solution Worx okwa gandja eshina lyoku indjipaleka oombapila lyongushu yoodola N$12000 kosikola ndjoka tayi kala naatondoki oyendji muudhano mbuka. Kahivere, okwa kumike omahangano galwe opo wo  ga kuthe ombinga opo omathigathano ngaka gokomumvo ga ninge omawanawa sha pitilila pwaangoka goshito. Omathigathano omanene ge li ga ne otaga ka ningilwa poKaiti momasiku 6 Juni, poShiwakopo momilongo 27 Juni , Oshakati momasiku 11  Juli 11 nomesiku lyo 1 lyaAuguste moVenduka ndyoka olyo tali kala ethigathano lyahugunina.

Oofoloma dhoku kuthombinga otadhi ka kala tadhi monika pepandja lyo inteneta lya Old Mutual nopoosikola. Oofoloma ndhika odhina, okushunithwa ko esiku lya landula esiku lyuudhano no itapa ka taambwa oofoloma ndhoka esiku lyuudhano lyolyene.

 

LEAVE A REPLY

Please enter your comment!
Please enter your name here