Opate Omuthiya – Onanke  osho ya egululwa  

0
279

ONANKE – Minista gwIilonga nIiyenditho, Alpheus !Naruseb metine lyoshiwike sha  piti okwa li a egulula nokupatulula pambelewa opate yongalama, ndjono opo yapu okulongwa.

Ondjila ndjika yomamanya nenge yongalama otayi kwatakanitha kumwe oshikandjohogololo Omuthiya nomukunda Onanke moshikandjohogololo Omuntele noya ndhindililkwa nonomola(DR3673).

Oshituthi egululo shika shopate oshali sha ningilwa momukunda Onanke moshitopolwa shaShikoto.

Pethimbo ta egulula opate ndjika Minista !Naruseb okwa ti epangelo ota li tsikile noku kwatakanitha iitopolwa niikandjo tashi pitile moku andjakaneka oopate opo aakwashigwana ya kale taya ende ya manguluka, yo ya kale itaaya ende nuumbanda molwa ando ompumbwe yoondjila.

!Naruseb ta ti opate ndjika oya kwatakanitha omikunda ngaashi Onanke,Amilema,Onamulele,Okankololosa na dhilwe woo. “ Opate ndjino tandi egulula nena oyo yimwe yomiilonga mbyoka epangelo tali longo mokuhwepopeka oonkalamwenyo dhaantu yalyo, oshindji osha longwa kepangelo lyetu no tali tsikile oku eta uuwanawa ku kehe ngoka ewu pumbwa noku kwashilipaleka kutya omukwashigwana kehe ota tyapula oshikuki shemanguluko,”!Naruseb ta ti.

Minista okwa gwedhapo kutya opate ndjika Omuthiya-Onanke oya longwa koshimaliwa shoomiliona 45, ta ti epangelo natango oli ilongekidha okulongitha oshimaliwa oshindji mokulonga noku opalekulula oondjila ndhoka dha pumbwa okulongululwa. Dho dhi longithwe kaakwashigwana oshowo komulongithi kehe gondjila.

Ta tsikileko ta ti konyala aagundjuka 202 oya li ya pewa iilonga yopakathimbo pethimbo opate ndjika ya li tayi longwa, ta ti ayehe mboka yali ya kuthwa oombaka yomomikunda moka mwe enda opate oyo tuu ndjika. Ta tsu omukumo aalongithi yondjila aluhe yi iyuthe koompango dhomoondjila noku longitha oopate ndhoka nuukeka opo woo dhi vule okulongithwa komapipi ta geya. Ta ti ina hala nande a kale tu uvu iiponga tayi holoka moopate okwa hala oopate adhihe mu kale mwaa hena nande oshiponga shasha , ko ku gamenwe oomwenyo  dhaantu.

Omunambelewa Omukuluntupitithi  moRoads Authority, Conrad Lutombi okwa ti kakele kopate ndjino Omuthiya-Onanke ya egululwa pambelewa , opuna oopate odhindji tadhi longwa no yena elalakano oku opaleka oondjila dhi kale pamuthika golela.

Lutombi ta ti ngaashingeyi oyi ipyakidhila nopate yUukwiyushona-Omuntele, Onayena-Okankolo ndjoka tayi tulwa oteya, Onalulago-Epembe, Oshigambo- Eenhana na dhilwe woo ndhoka dha thaanekwa tadhi ka kala dha longwa methimbo efupi.

LEAVE A REPLY

Please enter your comment!
Please enter your name here