OWelwitschias ogundjuka puutihamano mekopi lyuuyuni  

0
168

Windhoek-Nonando ospana yoRugby yopashigwana yaNamibia otayi zimo methigathano lyekopi lyuuyuni lyoRugby lyaadhani yokohi yomimvo 20 yuudha uuntsa. Shika otashi kala ngaaka molwashoka oyi li pehala etihamano momusholondo gwoospana ndhoka dha li dha kuthombinga methigathano ndika.

Namibia okwa li a thiminikwa okuza mo muudhano mbuka konima sho a dhengwamo kuFiji niitsa 36-24 Osoondaha ya yi.

Namibia oye a li komeho niitsa 11-5 medhingoloko lyotango lyuudhano  ihe okwa ka thigalapo  sho ospana ya Fiji ya tulamo ookoola omalweetho gaali ga landulathana. Shika osha kwashilipaleke ehala lya Fiji medhingoloko lya landulako methigathano ndika.

Fiji okwa li a zamo muudhano nenge methigathano ndika  lyaadhani yokohi yomimvo 20  omumvogu.Fiji sho a tulamo ookoola momalweetho gaali meendelelo oye a yi pokafudho eli komeho niitsa ihamano.

Omudhani gwopokati  Kaveni Dabenaise oye a tenteke etanga moshitopolwa konima yomusinda gwegameno gwa Namibia ye Filipo Daugunu ta thangele etanga ndyoka okupita mokati koopala dhokoola ya Namibia nongeyi aakalimo yomokantuntu mefuta lya Mwena oya yi komeho mominute 39 sho ya li yena iitsa 17-11.

Nando ongaaka Namibia okwa kondjo noku tulamo wo okoola medhingoloko etiyali naashika osha eta eyooloko miitsa likale owala oshitsa shimwe. Namibia okwa ka pewa openalty ndjoka yemu pe ompito okuya komeho pokati koospana ndhika niitsa 19-17.

Eyamukulo lya  Fiji olya li li ehameka sho ospana ndjoka ya tenteke etanga muudhano mbuka pevi nenge ya tulamo ookoola iikando itatu pokati kominute 63 no 71 methimbo lyuudhano nongeyi ndjika oya yi komeho.

Konima yaashika Fiji okwa tulamo ishewe ookoola iikando itatu omanga Namibia okwa ka tulamo lwahugunina okoola yehekeleko nonando ndjoka kaya li ya gwana oku mu sindanitha.

 

LEAVE A REPLY

Please enter your comment!
Please enter your name here