Tripple X natango onkene ta pula komeho

0
193

TSUMEB  –  Ongundu yaahikingalo aaNamibia ndjoka hayi ithanwa Tripple x natango onkene tayi pula komeho noku hika oongalo dhoshiNamibia. Tripple X oya tseyika nawa mondoolopa yaTsumeb mono omo unene hayi imbile oongalo dhawo.

Tripple x oya thikamapo maahikingaloyatatu mbono  ayehe ya yambukile mondoolopa oyo tuu ndjika.  Uumatyona mboka owuli mepipi lyoomvula dhopokati elela owo Gideon Hendrick a tseyika nawa Kamalyenge, Saltiel Gideon hi ithanwa Crokky ak Ngandu oshowo Daniel Johannes hi ithanwa Giza oyo aawilike yongundu ndjika.

Giza ngono ati nonande ya tameke oku imba oongalo mo 2010 sigo opethimbo ndika inaya pititha nande oalbuma yasha ashike ohaya imbi owala uungalo kookamwe. Ta ti shino ohaye shi ningi omolwa ompumbwe yoshimaliwa nokwaa hena aakwatheli mbono ta ye ya tulilemo ya vule oku pititha oalbuma yu ukilila.

Tripple x oha hiki oongalo dhomaludhi ga yoolokathana okwaito,R&B, Solo noshowo dhilwe. “ Nkene twa tameka okuhika oongalo otwa kala owala hatu imbi tuli yatatu, nohatu kwathelathana moompito odhindji, nonande tuli mompumbwe onene yoshimaliwa itatu shuna monima tse itatu sholola otuna ku imba ngaashi tashi vulika sigo twa mono omakwatho tu vule okupititha oalbuma yetu, otuna omukumo kutya pehulilo lyomvula ndjika otatu kala twa mona omakwatho tse tatu yi komeho noshitalenti shetu,” Giza ta ti ngaaka.

Ongundu ndjika ohayi nyanyudha unene pomahala ga yoolokathana moTsumeb, poCopper Festival,Ongwediva Trade Fair oshowo poYouth Expo. Taya ti nomvula ndjino oya tegelelwa ya kakale pomauliko giipindi mOngwediva.

Wumwe womuungalo mbono ya hika ongaashi Omukulukadhi, Get down, This is X mono tayi ihokolola yoyene onga aayimbi yongundu ndjika. Taya holola okwaa uva ombili kwawo molwa aantu yomoTsumeb mboka yaana ohokwe yomusika nolundji ngele ya pewa ompito yaka hike pomahala nomahala aatali ihaya holoka, oya simaneka owala anuwa aayimbi yopondje yoshilongo.

Tripple x tatsu  omukumo aaNamibia ya kale noku simaneka oongalo dhomoshilongo yo ya yambulepo oshilongo shawo yeshi tule pamuthika omwaanawa ngele tashiya poku imba oongalo.

LEAVE A REPLY

Please enter your comment!
Please enter your name here