Vatatu va fya mOhangwena

0
187

EENHANA – Opolifi yoshitukulwa shaHangwena, oya shiivifa omafyo a vatatu momikunda da yooloka, pomafimbo a yooloka shaningwa oshivike eshi.

Omupopiliko wopolifi mOshitukukwa shaHangwena Abner Kaume Itumba okwa koleka efyo lomunamido 30 Paulus Haiduwa wOmohakafiya mOshitukulwa shaHangwena. Itumba okwa ti, Haiduwa  okwe lituwa komweendanandjila e li mangeleka momuti momufitu waPinga omukunda wa ama keengaba daNamibia naAngola. Ehokololo lopolifi ola ti okwe lituwa a xulifa nale nopolifi otayi twikile nomakoonakono moshina eshi.

Itumba natango okwa koleka efyo lomunamido 39 Lukas Hamalwa Nghifidiva womOkahenge popepi nEfululula moshitukulwa shaHangwena e lituwa kovashiinda a fila  monduda yokunangala meumbo laye a kala mo aeke.

Ovashiinda ove mu yongola nokuuya okutala apa e li. Kaku shiivike osheetifi shefyo, nekonaakono lopolifi otali twikile.

Itumba natango ta kundaneke vali kutya, natango meti Omaandaxa oshivike eshi opolifi yoshitukulwa shaHangwena oya lopotelwa  efyo lomunamido 88 Ndalikupopya Hamukoshi wokOshikwiyu a pila monduda mokaumbo kaye a li mo nounona vanini. Ounona ova ka lombwela ova shiinda va hanga omukulupe a pya nai.

LEAVE A REPLY

Please enter your comment!
Please enter your name here