Aamuntele otaya tidhwa ku walye

1
344

OMUNTELE – Aakalimo yomomukunda Omutemo noshowo momikunda ndhoka dhomoshikandjohogololo Omuntele oye li monkalo ya nika uumbanda sho anuwa haya kala ta ya tidhwa kaantu kaaye shiwike uusiku.

Yamwe yomaanamukunda mboka oya holola uumbanda wawo ta yati oya pumbwa ekwathelo lyomeendelelo.

Yamwe yomaanahambo taya ti anuwa manga esiku limwe yali ya ka nwetha iimuna yeli mondjila yawo yokugaluka oyali ya adha omuntu eya langela meno lili mooha dhondjila oya haluka owala omuntu eya tidha.  “Sho twa tameke oku tondoka otwa ka mona kutya nani aantu oyendji yetu langela, otwa li twa thigipo iimuna yetu tse tu ka popilwe megumbo lili lwaampoka twa tidhilwa, sho twa yi megumbo inatu mona kutya aantu mboka oyu uka peni, aashinda mboka oyali ya tema ootoshe taya minikile ashike inatu monapo sha sho kwa kasha omankadhala owala geli po,” Taya hokolola ngaaka.

Taya holola kutya ohaya ka nwetha iimuna yawo ha ya yi ethimbo lyomutenya komukunda Oshangwena, ashike nomolwaasho kokapomba ohaku kala kuudha iimuna ko kakuna endoloma lyokupungula omeya, ohaya ziko uusiku noonkondo.

“Shampa twa nwetha ngawo thimbolimwe ohatu ziko nenge opo 12 nenge ombali yuusiku oshoka itatu vulu tu ze ko iimuna yetu inaa yi nwa ohatu kala owala tuli momikweyo twa tega omalufo getu gokunwetha ga adhe tse tuye nawa komagumbo,” Gumwe tati ngaaka.

Aanahambo mbono yeli kombinga yOmbuga oya ti ngaashingeyi oyeli muutilwe noomwenyo dhawo odhina uumbanda molwonkalo ndjoka yi iteyela kombuga hoka, taya holola kutya ihaya endewe uusiku nonando oyena okumeneka yo ya ka thike komahala hoka ya hala kuyele, oyena owala anuwa okutega kushe yo yaye nawa.

Aanamagumbo yopomudhingoloko mpoka taya ti nomomagumbo ngaashingeyi ohaya li kuyele oshoka ohaya kala ya tilamo pamwe otaya thitikininwamo ku walye, ta ya ti oyeshi lopota kumwene gwomukunda gwawo oshowo ku kansela gwoshikandjohogololo.

Mwene gwomukunda Omutemo Fillemon Ngwena okwa ti oshinima shika shaantu taya tidhwa okwali ngaa eshi uva, ta ti ota ya kundathana na kansela yo ya tale kutya otaya kandulapo ngiini omukundu nuupyakadhi mbuka wi iteyela oshikandjohogololo. Tatekulu Ngwena ta gwedhapo kutya kehe tuu ngoka ta ka monika nenge taka uvika ta tidha aantu otaka kala a katukilwa onkatu yomeendelelo oshoka ota teyapo ombili yoshigwana.

1 COMMENT

  1. aanamibia otaa kondjitha shikaano…..ogo nduno omauyamba taga kogwaaaaa, ka seni utale mpa mwa thonwa ina mu tindha we aana yaantu !!!!!!!!

LEAVE A REPLY

Please enter your comment!
Please enter your name here