Aanaskola dhingi ya pewa oosola

0
273

OMUTHIYA – Ehangano lyoExclusive cc lili kohi yehangano lyoNew Era Investment olyali lya gandja omagano gomalusheno goketango geli 34, kaanaskola yomoshitopolwa shaShikoto metitano lyomasiku 29 Mai nuumvo.

Ookansela yaza kiikandjohogololo ayihe mOshikoto oya li ya gongala pOmuthiya mpoka nokutaambako omagano ngaka yo ye ke ga gandje kaanaskola mboka haya ilongo nawa miikandjohogololo yawo.

Omunambelewa mombelewa yelelo lyaShikoto, Martin Ndengu okwa ti oyali ya pewa elombwelo omumvo gwayi opo ya tseyithile ookansela miikandjohogololo yawo, ya tothemo aanaskola mboka haya ilongo ye vulithe yakwawo, opo ya pewa oosola ya kale taya ilongo nawa.

“Aanaskola oyendji oyali yuudhitha na yamwe oyali oyo ya tothwamo omolwa iitsa yawo mbyoka iiwanawa, ehangano olyali lya uvaneke tali gandja oosola dhili 34 mono mwa kwatelwa niilongitho yadho, na osho lya ningi ngaashi pauvathano,” Ndengu tati.

Roseta Nawases ngono ali a kalelepo ehangano ndika nokwa thindikile omagano ngaka gaanaskola okwa holola kutya enene dhiladhilo, okugandja oosola kaanaskola mboka haya ilongo ye vule yakwawo ashike ka yena omalusheno momagumbo. “ otwa hala opo tu ninge oonkalamwenyo dhaaleli yetu yokomongula oompu ngele tashiya pelongo , yo ya kale taya ilongo ethimbo kehe ya vule ku pita ngaashi haye shi ningi shito,” Nawases ta ti.

Ta gwedhapo kutya  oshitopolwa shaShikoto osho oshinelago noshotango tashi pewa iilongitho mbika yoonkondo mbyono ta ti otayi ka kwatha uunona momikunda, ta ti otashi gandja woo omukumo kaanaskola yalwe ya huleko oongaku yo ya tseye esimano lyelongo, noku kala aluhe taya itulamo miinyangadhalwa yawo yoskola.

Ehangano ndika otali ka gandja woo natango oosola kiitopolwa ngaashi shaKunene,Omaheke,Omusati,Otjozondjupa oshowo Hardap koshimaliwa shooN$700 000.00 moshilongo ashihe.

Nawases ta ti oshitopolwa shaShikoto osho shimwe sha pewa oosola odhindji oshoka oshina aanaskola haya piti nawa.

Mesag Matti Ilemo omunaskola kOnkumbula moshikandjohogololo Okankolo oye a pewa iinima oyindji yi vule ya yakwawo mono muna osola yoH100,ofriza oshowo omipepo mbali.

Julia Kambwali naye gokOnkumbula okwa pewa osola yo H100, oTV, nomipepo mbali. Yalwe oya pewa oosola noolamba dhawo dhina ongushu.

Kansela gwoshikandjohogololo Omuthiya, Armas Amukoto okwa pandula ehangano ndika sho tali andjakaneke uuwanawa moshigwana ngaashi shewu pumbwa.

Ta ti ehangano olyeshi ningi oshipu opo aanona ya adhe oondjodhi dhawo melongo. Amukoto ta indile ehangano li tsikile nokulonga uuwanawa mboka.

LEAVE A REPLY

Please enter your comment!
Please enter your name here