DTA ina nyanyukilwa ewiliko lyaHelao Nafidi

0
264

Helao Nafidi – Ongundu yoDTA oya holola okwaa uvite ombili kwayo omolwa elelo alihe lyondoolopa yaHelao Nafidi, tayi holola kutya elelo lyondoolopa oyo tuu ndjoka kalina elongelokumwe no tayi eta anuwa etopoko mondoolopa moka.

Omunashipundi gongundu ndjika moshitopolwa shaHangwena Hidipo Hamata shino okwali eshi holola konima sho a mono kutya aalandithi mondoolopa yaHelao Nafidi ohaya kala taya tidhwamo, momapandaanda , ta ti keshi kutya otaya tidhwamo yaka landithile peni mo omo muna aalandi yawo.

“Okutidha aalandithi pomalandithilo mondoolopa yaHelao Nafidi kashishi oshinima oshaanawa no kashina ongushu yasha,ashike shono otashi tula noku shunitha eliko lyondoolopa pevi,oshinima shino otashi sitha aantu ohoni oshoka elelo lyondoolopa kalina ehala ewanawa mono aantu ya Kalunga ya vule okulandithilamo uushike pendje wo wawo yo yi imonenepo ngaa okashona kawo,” Hamata ta ti.

Gumwe gomaalandithi mboka haya kala taya tidhwa mondoolopa yaHelao Nafidi okwa ti yo ohaya kala taya tidhaganwa hali kasha hali katoka , taya lombwelwa anuwa yaye kuutala mboka wuli mondoolopa ndjoka , ta holola kutya uutala mboka wu li po owa kaka noonkondo ko ihaku ende anuwa ookustoma unene omuntu oto kala owala inoo landwa.

“Mokulanditha omo hatu mono oshimaliwa tu vule tu fute oosikola dhuunona wetu, nena ngele omuntu oto tidha ndje ndaa landithile mepandaanda owa hala ndi kalye nenge ndika hupile peni ngame ndina ngaa onkondo tandi ikondjele mwene nenge omwa hala aantu taya si kondjala manga yakwetu muna oondjambi dhoondoka?,” Ta popi ngaaka.

Hamata okwa indile elelo lyondoolopa ndjika opo li tunge omatala ga andjuka yo aalandithi taya kala ihe oko taya landithile, tati ongundu yawo inayi nyanyukilwa etidho lyaalandithi tali ningwa moshilongo muka. 

Tati naya longe tango iinima mbi iiwanawa tayi yambulithapo ondoolopa yo yi kale ya yela ngaashi oondoolopa oonkwawo dha huma nawa komeho dho dha yela.

Ta gwedhapo kutya naya ninge omatala ga gwana aalandithi ayehe yo ya mone kutya nani aakomeho yawo oyena olukeno nayo.

“Tse  inatu hala aantu taya yono oveta nelandulathano, no  inatu hala aantu taya si koluhepo omanga taya vulu kwiilongela yoyene, no inatu panda sho aantu yetu haya kala taya hingwa ethimbokehe yafa iinamwenyo yakana,ethimbo lyuukoloni olya hulapo , ngaashingeyi ethimbo lyokukondjitha oluhepo nonkalo yokwahena iilonga moshilongo shetu,” Hamata ta popi ndhoka.

Ta tsikileko a ti okwa hala Namibia a kale oshilongo shina ombili, uuyuki nelongelokumwe sho shi adhe ondjodhi ndjoka taya lalakanene. Ta ti ongundu yoDTA itayi ka etha aakalimo yomoHelao Nafidi taya liwa oshipungo, nokuthindilwa pevi omanga nayo yena uuthemba, otaya ka kondja sigo aalandithi momapandaanda ya tungilwa omatala geli nawa mono taya kala taya halithile iilandithomwa yawo ya manguluka.

LEAVE A REPLY

Please enter your comment!
Please enter your name here