Ewiliko epe lyoSWAPO ya hogololwa mOnayena

0
199

ONAYENA – Iilyo yongundu yoSWAPO moshikandjohogololo Onayena oyali ya gongala momasiku ehuliloshiwike lyayi opo yi hogolole aanani yongundu aape.

Konyala aantu oyendji yaza kiikandjo omugoyi miikandjo 13, oyali ya kalelapo iikandjo yawo noku ninga omahogololo geli mondjila.

Ewawa lyaagundjika moSWAPO olyo unene lyali lya talika ombinga.

Johannes Mvula ngono a kala nale omunashipundi gongundu mewawa lyaagundjuka okwa li natango a hogolululwa oye a kale omunashipundi, omanga Maria Iipinge ali a hogololwa a ninge omuhwahwameki gongundu mewawa lyaagundjuka.

Aili Nelago okwa li a hogololwa a ninge omudhiginini gwiimaliwa, David Linekela Nashongo omukalelipo gomunashipundi noye ta wilike ehangano lyaanona moshikandjohogololo ashihe.

Omahogololo ogali ga kwatelwa komeho komuhwahwameki gongundu yoSWAPO kewawa lyaagundjuka moshitopolwa shaShikoto, Edward Gabriel ngoka a holola kutya okwa nyanyukilwa omahogololo ngoka oshoka ogali ga manguluka no ga enda pauyuuki ngaashi shali sha thanekwa.

Gabriel okwa pandula ewiliko lyoSWAPO ndyoka lya kala tali wilike ongundu moshikandjohogololo ta ti olya longa ngaashi lya li lyuuthilwa sho osho sheli shunithitha miilonga, lyo li tsikile iilonga nomukumo nonuudhiginini natango.

Okwa indile aagundjuka ya simaneke aakuluntu yo ya kale aluhe haya uvu omalombwelo ngoka taya pewa kuyop.

Ta londodha aagundjuka ya yande okuya ninga nayi oshowo okuya tuka.

Gabriel ta kumagidha aagundjuka mboka ihaaya holoka kiigongi ya kale haya holoka yo ya paathanemo noku tulilathanamo ndhoka tadhi tungu yo ya yande oku kala puundingosho.

Teya kumagidha woo ya ethe elongitho lyomalovu niingangamithi mbyoka tayi teyapo oshigwana. “ndino ethimbo lyetu onga aagundjuka tu kale hatu ningi iigongi tse ta tu gongala nokukundathana nkene tuna ku kondjitha iimbuluma oshowo onkalo yokwaahena iilonga mokati ketu, otwa pumbwa tu longele kumwe ongaamwayinathan tse tatu kala aluhe aanambili,” Gabriel ta gwedhapo ngaaka. Esiku ndyoka molwewiliko ewanawa maagundjuka mboka taya wilike moshikandjohogololo Onayena, Gabriel okwali a gandja oshimaliwa shooN$5000 kewawa lyaagundjuka opo yi ikwathe yo ya kandulepo oompumbwe ndhoka yena no taya pumbwa mewawa ndika lyaagundjuka.

LEAVE A REPLY

Please enter your comment!
Please enter your name here