Malope a nyanyudha aaholi yoongalo dhopambepo

0
194

WINDHOEK-Aaholi yoongalo dhopambepo aaNamibia omathele ogendji oyali ya kutha onkatu muutatala wongulohi yoSoondaha opo ya katale omuimbi gwawo dhingi omuSouth Africa Rebecca Malope nkene teya kuthileko kudhimwe dhomoondjimbo dhe dhopambepo.

Malope okwali ahiwa kehangano lyoMTC oye a kale omuhikingalo omunene koKoncerta ndjoka yali ya longekidhilwa owina oku dhana emanguluko lyoomvula 25 kaaNamibia, ndjoka yali yaningilwa pokapale okanene kEmanguluko.

Pokapale mpaka opwa li puudha nota pu uvika oondigolo nenyanyu lyambishi megumbo mwatselwa.

Aatali mbaka yali ya holoka oyali ishewe ya igidha mokule, sho Malope a matukile kehala hoka haku imbilwa a zala oonguwo dhomuthigululwakalo gwAawambo.

Malope okwa li a imbi uungalo mboka ngaashi Landuma Lamthatha, Don’t let me Die, Uli Kwele, Uthando Lwam naNgegazi Lemvana, mboka wa li wa taambiwako koyendji. Pethimbo lyoku imba, Malope okwa kumagidha aagundjuka yonena  ya simaneke aakuluntu yawo yo ya yande iinima mbyoka iiwinayi.

Okwe ya kumagidha shili noonkondo opo ya yande okuningililwamo koosugadaddy noosugamumy.Ihe yi itule moku ihumithakomeho yo yene opo ya vule okuyambulapo Namibia oshowo Enenevi lyawo Africa nuuyuni wawo.

Kakele kuMalope, opwa li ishewe pu na aayimbi ooyakwawo ngaashi Sibongile Sibeko, ngoka ali eyapemo muungalo Utatu, mwakwatelwa hoka ta ka inyenge nawa kedhina In his Time.

Omwiimbi gwoongalo dhopambepo dhingi moNamibia gwedhina D-Naff naye okwali agandjamo momukonda gwe noku imba oongalo dhe oompe noonkulu, mwakwatelwa ndjoka  yedhina Omuwa Oteya , ta kwathelwa ku Tequila.

Opwali ishewe ongundu yo Clive & The Now Generation no Koi International  Worship Choir ndjoka ishewe yali ya imbi nawa.

Rebecca Malope ta imbi koIndependence Stadium mOsoondaha

 

LEAVE A REPLY

Please enter your comment!
Please enter your name here