Old Mutual a yandja omaano koAngra Pequena

0
229

Lüderitz- OsekundoFikola yaAngra Pequena ili modoolopa yaLüderitz moshikandjohoololo sha!Nami#nus oya pewa omaano ongushu N$20 000 kehangano loOld Mutual Namibia.

Omaano okwa yandjwa nelalakano lo kupandula ofikola eshi ye uya pondodo yotete mondodo 12 moshitopolwa sha //Kharas meefikola depangelo momakonaakono opexulilo lomudo 2014.

Omaano okwa yandjelwe mEtine loshivike shaya omo , omunailonga mo Old Mutual Magrietha Humbilemo okwa tumbula kutya , omaano aa okwa yandjwa nelalakano okupandula ovalongi ovo va longa nawa  nova nafikola veli honga nawa,moku kufa ofikola pondodo onhinhano noku yeeta pondodo yotete moshitopolwa. Humbilemo ta tumbula kutya eshi oshili eshongo kovanafikola ovo veli mondodo 12 neudo opo vakwatelepo epapa olo lopondodo yotete moshitopolwa.  Ta tumbula kutya Old Mutual Namibia onghee ngaho eli moukaume oo va panga nouMinisteli Wehongo modula 2011  omo va udaneka oku yambulapo ehongo moshilongo , noku twa omukumo ovanafikola opo velihonge nawa.

Moshipopiwa shomukulunhu wehongo moshitopolwa sha//Kharas Johannes //Hoeseb osho sha leshwa ku Inspector wehongo Casius Shanyengange okwa tumbula kutya, epito nawa lo va longwa poSekundofikola ya Angra Pequena ola etifwa kovalongwa ovo va nongekwa mee primafikola dili nhatu modoolopa ya Lüderitz mwa kwatelwa oSekundofikola yopedu modoolopa omo mwa nongekwa ovalongwa ovo ve uya okufikola poSekundofikola yoAngraPequena.

Hoeseb ta pandula ovalongi,omukulunhufikola novanafikola pofikola poAngra Pequena eshi va longa noudiinini , teva indile yoo vatwikile noku longa noudiinini.

Okwa pandula ehangano la Old Mutual eshi tali twikile noku twa omukumo ovanafikola opo veli honge vamanamo, ta tumbula kutya odula yaya 2014 Old Mutual Namibia okwa futa elihongo laRauna Johannes oo eliko Polythecnic ya Namibia nokwali  o Head girl pofikola poAngra Pequena modula 2013 . Ta indile omahangano amwepo modoolopa akufeko oshihopaenenwa mokukufa ombinga opo vatwe  ovanafikola omukumo mokuli honga.

Omukulunhufikola poAngra Pequena  Beukes okwa pandulayoo Old Mutual eshi eva pandula nokwe vapa omaano oN$20 000 oyo ya landwa o Freezy okupungula eeshi dokuliwa kovanafikola pefimbo leetundi, oshoyo omatalashe okunhukila omhani, omambako okupopya nomambo okulongifwa kovalongi nook va langwa na ikwao.

LEAVE A REPLY

Please enter your comment!
Please enter your name here