Oalbuma yotango ya Msunday na J.S

0
224

WINDHOEK – Aaimbi yaali omanyakwa ngoka ha ga imbi oongalo dhoAfro Pop, Kwaito, Dancehall noHouse, Msunday na J.S osho ya pititha oalubuma yawo yotango yedhina ‘Real’ oshiwike sha piti.

Oalubuma ndjika oya holoka sho Msunday na J.S yali yuuvathna noku tsa kumwe mo 2013, opo ya tameke oku imba omaimbilo pamwe noku holola po omusholondondo gwoongalo dhawo dhadhenga mbanda.

“Otwa holoka po ihe nedhina lyoalubuma Real opo tu ulikile oshigwana kutja kehe shimwe tatu ningi osho shili, notu holole woo iiningwanima mbyoka hayi ningwa monkalamwenyo yesiku  kehe, tashi pitile moongalo dhetu,” Msunday ta ti.

Okwa gwedhapo ta ti oalubuma oye yi ningi uule woomvula mbali. “Otwa kala tatu longo noku tula kumwe oalubuma ndjika uule wethimbo opo tu hololepo oongalo dhongushu, nota dhi tungu oshigwana,” Msunday ta ti.

Oalubuma oya kwatwa omawi kuPatrick Thaniseb, a tseyika nawa P-flat omanga omaimbilo gamwe ga ningilwa omikwelengedjo kuEddy Mambofrany na Howard.

Moalubuma Real otamu monika ongalo ngaashi Shaindulu moka taya kwathelwa ku Pele. Ongalo ndjika otayi longo aantu mboka yomihoko dhayoolokathana opo ya kale yeholathane.  Otamu monika ishewe ongalo Efeni okaana ndjoka tayi igidha opo aalumentu ya simaneke aakiintu.

LEAVE A REPLY

Please enter your comment!
Please enter your name here