Omazimo 15 giihokolola nokwiitanga mOshakati

0
614

OSHAKATI- Oongundu omulongo 15 odhali dha kuthombinga momaulikilo gomazimo moNamibia ngoka taga hulu Olyomakaya ndjika mOshakati moshitopolwa shaShana.

Omazimo ngoka ga kutha ombinga nuumvo omulongo nagatano gamwe gomugo ongaashi nee  Aakwambahu, Aakwanambwa, Aakwananime, Aakwanangombe, Aakwanauma, Aakwanekamba,Aakwanyati, Aakwaluvala, Aakwamhalanga,Aakwankala, Aakwaniilya, Aakwaanyoka, Aakwananganda,noshowo Aakwananzi. Omazimo ngoka ogali ga pewa ga ndjandjukunune ondjokonona yago nokudhana iidhano mOmaandaha sigo Etiyali lyoshiwike shika nezimo esindani ndyoka tali ka kala ponomola yotango otali ka sindana oondola 8000 noshowo ekopi.

Mboka taya ke ya ponomola ontiyali otaya faalele oondola 6000 kegumbo nekopi woo.

Omanga mboka taya ka kala ponomola ya hugunina yesindano taya faalela oondola 4000 kegumbo nokakopyona woo. Omaulikilo gomazimo niipindi gaShakati ngoka hagi ithanwa Totem nohaga kala ko aluhe pethimbo ndika momumvo kehe okuza momumvo 2012, oga tamekele moshiwike  shaziko mOshakati moshitopolwa shaShana, naantu oyendji oya kutha ombinga onene mugo. Momaulikilo ngoka omu na wo omathigathanopo ogendji. Omu na aaimbi kamana nosho wo ethigathanopo lyokakadhona ndhingi kaTotem.

Omupopiliko gwelelo lyondoolopa yaShakati, Jackson Muma ota ti kehe ngoka ku shi nawa ezimo lyoye nenge ku shi sho hali itanga, onawa wu ye komaulikilo ngaka, wu pulakene nkene hali tangwa nosho wo oku uva nawa ondjokonona yalyo.

Ngele to yi mo meni ohaku futwa ooN$20 kaakuluntu nooN$10 komunona. Ohauto nayo otayi futilwa ooN$10. Gogene omaulikilo ngaka oga tamekele meti oshiwike shayi  momasiku omilongo 28 May 2015 notaga pata ongula mOlyomakaya meti 5 Juni nuumvo.  Okwo opala lela nawa nomuntu oto imonene ko omauyelele ogendji ga simana noonkondo monkalamwenyo yoye.
Namibia okuna omaulikilo ogendji, giinima yi ili noyi ili. Opo kwa ziwa komaulikilo giipindi kOndangwa nokOtavi nosho tuu omathimbo ga zi ko.

Oshiwike shika otu li nomaulikilo goTotem mOshakati notaku ka landula gondoolopa yEenhana nosho wo Olufuko kOmbalantu kOmusati naangoka nee omanenene kadhenga gaNgwediva pehulilo lyaAuguste nuumvo lwaampoka. Oshituthi shika oshali sha egululwa pambelewa kuMinista yiinima yomagumbo Sophia Shaningwa ngoka a ti edhiginino lyomuthigululwakalo moNamibia otali ningi Namibia oshilongo shili nawa.

LEAVE A REPLY

Please enter your comment!
Please enter your name here