Omudhanikino omuAmerican ota ka dhana oye Mandume ya Ndemufayo

0
384

KuSelma Neshiko

Omudhanikino omuAmerica oshowo omuimbi, omuhokololi gwiiteyo nomunandjungu monkalathano Antonio Lyons ota ka dhana oshitopolwa mokino yedhina The Unseen.

Okino ndjika otayi wilikwa komuwiliki gwiikwakino omuNamibia gwedhina Perivi Katjavivi. Ye Lyons okwa pewa a ka dhane oshitopolwa shependa limwe lya Namibia nomukwaniilwa gwAakwanyama, Mandume Ya Ndemufayo.

The Unseen” ofilima nenge okino yi ithikamena tayi wilikwa komuningi gwookino Perivi Katjavivi, yo ndjika otayi dhenge omuthindo kuunkulungu mokuthaneka, kuukwatya wopaumwene oshowo onkalo ikalelo.

Otayi ulike noku landula aadhani muukwatya utatu wa yooloka sho mbaka yi iyakele moshigwana sha Namibia inaa ya konenenwa noku monika nando okomuntu.

Opena Sara ngoka ihaa vulika ngoka etokolo lye lya ningwa mengungumano oku hulithapo omwenyo gwe lya hili noku holola omadhiladhilo nomaiyuvo ga yooloka mokati kaantu mboka ya li popepi naye.

Anu, omuhikingalo omulalindjodhi, ngoka ha kondjo okufatulula nokuyelithila ookuume ke yashi yomuhoko gwe kombinga ndjika yoshilando iinima mbyoka tati oha mono ngomondjodhi.

Marcus, omuAfrican-American omudhani gwookino ngoka ihaa ya uvathana, we nawa nomukadhi oku li moshilando okudhana oshitopolwa shasimana mondjokona kino ndjika, ndele okwa kala ta enda enda koohogololo ta kongo esimano.

“Okino ndjika oyo oshihampi shomadhiladhilo gomuule taga kongo omuitjo ngoka tagu fatulula okukala nomwenyo moNamibia lya manguluka.

Okino ndjika itayi gandja eyooloko li iwetikile pokati kehokololo lyaashi lyoshili naandyoka tali hokolola shoka sha ningilwe nenge shaningwa ethimbo lyontumba.

Otwa hala okupendutha omapulo kutya omolwashike ehokololo ndika inaali hokololwa.

Okino ndjika olweendo lokuholola onkalo yontumba.Onkene onda nyanyukwa okutameka oshilonga shika nenge opoloyeka ndjika yokuwilika eningo lyokino ndjika,’Katjavivi a ulike

Lyons ngoka a ithanwa okudhana oshiluku nenge oshitopolwa sha Marcus mofilima ndjika okwa thikile moVenduka keeshiwo ngele oye omuntu eli mondjila okuulika uukwatya wependa enedhina moshilongo shika.

Okwa kutha olweendo lwa Namibia nomoNamibia molukongo oku uvako nawa kutya olye na ishewe ngele ye okwoopala tuu okweeta  Mandume momwenyo okupitila mokino ndjika moka ye, ta ka zala uukwatya  wOmukwaniilwa ngoka.

Marcus okwa ka talelapo uuwa wOmukwaniilwa gUukwanyama neinekelo  oku mu tsakaneka  opo nguka a vule ando oku mu pa uuyelele kombinga yetokolo lye oshowo okumu pa epitikilo opo ye a zale moongaku dhEpenda lya Namibia li shiwike nawa.

“Shika oshinima oshinene kungame.

Omahokololo ga Namibia oge na ondjundo onene  na otashi kala eshongo , oshoka ngame kandi na  ontseyo nuunongo kombinga ya nkene omuntu to igandjele aantu yoye. Ihe ngame ongo omudhani gwookino ehokololo kehe olina ongushu  ya simana niishewe olya simana kungame,’ osho Marcus a ti.

Lyons omudhanikino a tseyika nawa  mokudhana mokino yo American History X (1998), Hotel Rwanda (2004) oshowo The Sum of All Fears (2002). Ofilima ndjika okwa tegelelwa yika thanekwe okuuka pehulilo lyomumvo nguka.

Omudhani gwookino omuAmerica Antonio Lyons ngoka ta ka dhana oshitopolwa shependa lya Namibia Mandume Ya Ndemufayo

LEAVE A REPLY

Please enter your comment!
Please enter your name here