Touch & Go naye a

0
181

WINDHOEK –Enyakwa lyaNamibia mondjundo yoAfrican Cruiserweight, Vikapita ‘Beast Master’ Meroro ngoka iilongekidha nawa okuli moshilandopangelo shaRussia Moscow okukondjela epaya lyondjundo ndjoka yopaigwana kohi yolutu lwoongonyo muuyuni WBA Cruiserweight International.

Meroro ota londo mOringa nomukondjithi gwe Omurussia, Dmitry Kudryashov nelalakano oku mu yuga epaya ndyoka. Omudhengingonyo nguka omunamimvo 29 sigo oompaka okwa kondja omalugodhi moka inaa dhengwa tuu sigo onena.

Meroro ngoka ena owino nuunongo owindji noshowo ha dhenge oongonyo  dha dhiginina okuli ponomola ontine momusholondondo gwaadhengingonyo pa landulathano lyehangano lyoongonyo muuyuni lyedhina World Boxing Organisation (WBO).

Okuna ondjokonona yomalugodhi 32 moka a sindana omalugodhi 28 nokwa dhengwa momalugodhi gane gomwaangaka. Omukondjithi gwe no ye enyakwa ndyoka tali popile oshishani shalyo ongulohi yonena. Kudryashov okuna ondjokonona yomalugodhi 17 ngoka agehe ega sindanapo nomasindano agehe ngoka okwe ga adha mokudhenga ongonyo yimwe nopevi.

Manga ya li mondjila okuya ko Russia  omudheuli gwa Meroro , Nestor Tobias okwa li uudha omukumo neinekelomwene a ti okwa nyanyukilwa eilongekidho lya Meroro, ati nguka otaka ulika iilonga iiwanawa niinene mokundhenga oongonyo nena ,mbyoka inaa yi monika nando onale.

“Tse otwi ilongekidha twa mana notwa nyanyukilwa eilongekidho alihe lya Meroro, unene tuu eendelelo oshowo oonkondo dhe mokudhenga oongonyo. Ishewe ye okuli meni lyoshiviha sho cruiserweight shoka tashi pula nguka a kale mondjundo yookilograma 90.7. Ye okuli nawa kolutu nopambepo okugandja iilonga iidhigu ku Kudryashov uuna ta ka longela oshikwiila she.Kehe gumwe okwa tegelela olugodhi oluwanawa ndoka itaalu ka pewathanwa,’ osho Tobias a ti.

LEAVE A REPLY

Please enter your comment!
Please enter your name here