Endjala omuluudhe gotango teshi enditha nawa moSquash

0
196

ONGWEDIVA-Nando uudhano mbuka owuli ashike hawu dhanwa koshipa shimwe moNamibia Max Endjala okua ningi ondjokonona sho a ningi omuluudhe gwotango okudhana uudhano mbuka no te shi enditha nawa.

Max ngoka eli omvalele yomukunda Oluteyi nokwali a hiti ootundi dhe posikola Oluteyi moshitopolwa sha Musati okwa ti kali nando amona omadhewo goSquash sigo opomimvo 24.

Max ngoka eli pehala etine momusholondondo gwaamboka ta ye shi enditha nawa muudhano mbuka moshilongo ashihe okwa ti,”omukulukadhi gwandje oye ali a ulukilendje nkene uudhano mbuka hau dhanwa, na otwali hatu yi kokapale koSquash kOshakati hoka ali a ulukilendje nkene uudhano ha wu dhanwa”.

Max okwati konima sho ali a tembukile koshilandopangelo mo 2008 okwali a tameke okudhana uudhano mbuka opamwe nomanyakwa guudhano mbuka pondondo yopombanda naashika ka sha li she mu pula ethimbo ele okutseya oompango dhuudhano mbuka

“Ondali wo nda tameke oku tala omaudhano ngaka moTV naashika osha li sha kwathelendje unene”, Max ta ti.

Ondjodhi yandje yoku kalelapo Namibia muudhano mbuka oya li ya tsu sho ndali nda kalelepo Namibia koPolokwane sha South Africa mo 2013.

Mongashiingeyi Max okwa kalelapo Namibia momathigathano ogendji meni nopondje yoshilongo, nopethimbo lyongashiingeyi otiilongekidhile uudhano womanyakwa woSquash ko South Africa petameko lyomwedhi tuuka.

Max ota ti ota kongo ngoka ta vulu oku kwashilipaleka olweendo lwe okuya ko South Africa opo a ka dhane nomanyakwa omakwawo muuyuni.

Okwa ti okuna ondjodhi opo a ete uudhano mbuka mOosikola dhomoshilongo opo uunona mboka wuna ohokwe yuudhano mbuka wu mone ompito, nokwa hala aaluudhe oyendji ya kuthombinga muudhano mbuka.

Squash oha yi dhanwa yafa uudhano wo tennis ashike yo oha yidhanenwa meni lyetungo nokatanga ohaka dhengwa kekuma nokati naanaa ngaashi hoka kotennis ashike okatanga okategelelwa ashike ka idhenge pevi lumwe omanga omukondjithi gwoye ineka dhenga, ngele omukondjithi gwoye okwa etha okatanga ki idhenge pevi iikando yili  iyali nena oto pewa iitsa.

LEAVE A REPLY

Please enter your comment!
Please enter your name here