Enzuna dhingi kuudhano wOkapuka otali ka ulikwa

0
230

WINDHOEK-Oyendji oya tegelela esiku ndyoka enene lyethigathano lyuudhano wokomvumvo woKapuka, moka nuumvo tamu ka ulikwa nokuli okakadhona dhingi kuudhano mbuka.

Omainyanyudho ngaka  ga kwata miiti ota ga ka ningilwa mOngha, moshitopolwa shaHangwena , pokapale kosekundosikola yaPonhofi, momasiku sho ta ga ka kala omilongo 27 Juni nuumvo.

Miss Okapuka  ethigathano ndyoka tali lalakanene okuyambula uukadhona mboka wu na ohokwe muudhano, moku enda nokuulika oondjelo dhawo. Ethigathano ndika olya nuninwa ishewe owina okuyambulapo aakiintu yo mo shilongo, tashi pitile miinyangadhalwa yomainyanyudho ya yoolokathana.

Aasindani ota ya ka pewa oshindji, no hashi vulika ya ka mone ompito ombwaanawa yo ku ulika uunongo wawo pondje yoshilongo. “Omadhiladhilo getu oku eta aaNamibia pamwe okuza moshilongo ashihe opo tu nyanyukwe nokudhana pamwe onga aamwayinathana.

Otwa tokola ishewe tu ninge iituthi mbika mumwe opo tu dhane omithigululwakalo dhaa Namibia yayoolokathana,” Success Da Silva, omulongekidhi gwoshituthi shika ta ti ngaaka.

Kakele ashike komainyanyudho ngaka, otapu ka kala ishewe aahikingalo ngaashi Kay Three, Shugga Dadiez, Sedjo Mind, noyendji yagwedhwapo, mboka ta ya ka ulika uunongo wawo noku mwenyeka oshiithanene shika.

LEAVE A REPLY

Please enter your comment!
Please enter your name here