Kansela Kambala  a uvaneke eyakulo lya mbwalangandja

0
257

ONYAANYA – Kansela omupe gwoshikandjohogololo Onyaanya okwa uvaneke ta ka tala unene komayakulo gokutunga oosikola odhindji moshikandjohogololo shoka pethimbo lyewiliko lye.

Petrus Kambala ngono a kala ethimbo ele oye omukwatakanithi gongundu yoSwapo mOnyaanya okwa popile ndhika konima yomasiku omashona ga pitipo sho a ulikwa omuwiliki gwOnyaanya muukansela.

Kambala okwa ti okwa hala okutala unene kombinga yokutunga oosikola odhindji moshikandjohogololo shoka opo oshigwana oshiwiliki ongula shi vule okunongopekwa.

Okwa hala woo okutungitha oondjila mOnyaanya opo Aanyaanya ya vule oku inyenga nemanguluko oku longa iilonga yawo nokuhumitha komeho oshikandjohogololo shoka. Kakele koopate Kambala okwa thaneka okukondjela oshikandjohogololo she opo shikale nuupangelo owindji okugandja eyakulo lyuunamiti kaakalimo yamo.Kambala okwa hala wo oku kaleka omilema kokule moshikandjohogololo shoka shot a ka soshimpwiyu kutya omalusheno oga falwa pomahala agehe mpoka inaa ga thikapo natango momikunda.

Kambala okwa ulikwa okansela ya Nyaanya sha landula sho oongundu dhilwe dhopolitika inaadhi ulika ookandidate oohogololwa oku kuthombinga andola momahogololo ga gwedhwapo ngoka ga li ga thanekwa okuningwa moshikandjohogololo shoka momwedhi tuuka.

Omunambelewa omukalelipo gwoKommissi yOmahogololo ya Namibia moshikandjohogololo Onyaanya, Tomas Uushona okwa tseyithile  omasiku ga ziko kutya omahogololo ngoka itaga kala ko we oshoka okandadtae yimwe ndjoka oyo ayike ya li yiinyolitha oku kuthombinga no itaayi kondjithwa ku dhilwe oyo yuulikwa omuwiliki gwoshikandjohogololo shoka.

Oongundu dhopolitika odha lid ha tegelelwa dhi ulike aahogololwa yadho omwedhi gwayi  ndele ongundu ashike yimwe oyo ya li ya nyolitha okandidate yayo ndjoka oyo Petrus Kambala.

Kambala omunamimvo 41, okwa valelwa momukunda Omulingi moshikandjo shuulenga shAmuteya kwali. Ihe Kambala ngoka eli omukalimo gomomukunda Onalukula ngaashingeyi okwa li a holola enyanyu lye. Ta ti ota ka longa nuudhiginini mokuyambulapo oshikandjohogololo osho tuu shoka.

“ Otandi ka tsikila mpoka Ngoloneya Kankoshi a hulile tandi indile aakwashigwana yandje tu longele kumwe tse tu humithekomeho oshikandjohogololo, ondi ilongekidha okuhedhitha omayakulo popepi noshigwana,  shino itandi shi pondola ongame awike  ashike ,ongele tatu longeleni kumwe nomuukumwe,” Kansela Kambala ta ti ngaaka.

Kambala oye kansela gwoshikandjohogololo shika omutitatu okuza tuu nkene omalelo giikandjohogolo ga dhikilwepo mbala konima yemanguluko. Kansela gwotango gwOnyaanya okwa li Tatekulu Vilho Kamanya ngoka ngashingeyi eli mwene gwoshikandjo shAmuteya kohi yElelo lyomuthigululwakalo gwAandonga. Omusamane Kamanya okwa li a landulwa kOmusimanekwa Henock Kankoshi ngoka a yelwa nokuulikwa Ongoloneya ontine yoshitopolwa Oshikoto.

LEAVE A REPLY

Please enter your comment!
Please enter your name here