Natango moshilongo omu na eeboma inadi monika

0
210

ONKUMBULA – Opolifi yoshitukulwa shaShikoto oya tuma ongudu yovanambelewa vopolifi yoshitukulwa shetelululo leeboma va ka  konaakone eeboma komudingililo waKankolo  moshitukulwa shaShikoto .

Etokolo eli ola kufwa eshi omunailonga  wehangano loNexus  ongula yOsoondaxa yadjako a li ta fe elambo loule wometa okuya moshi  e li twa meeshela mbali  koshi yedu.

Omunailonga ou okwa lit a fe elambo olo okutula po opaala yodalate yepya la taulwa  ombinga yaapo tapa piti oshitauwa  tashi tungwa pokati kOkankolo nOnkumbula.

Ouyelele weeshela mbali dounene weemilimeta 81 tadi fekelwa da longwa moSouth Africa, owa yandjwa komunambelewa omupopiliko wopolifi yoshitukulwa shaShikoto omukonaakoni omukulunhu Stephen Nuuyi. Okwa holola kutya, opolifi oya tuma ongudu yovanambelewa  mewiliko laChief Inspector Nepunda , omukwateli komesho wetanga lopolifi lokutelulula eeboma va tale ngee pamwe opo pa hangwa eeshela edi ope na ondjibololo yoilwifo ihapu .

Nuuyi ta weda po kutya, oshiwana inashi pumbwa kutila shaashi  etanga lopolifi koshitukulwa shetelululo leeboma osha faneka okutopifa eeshela edi mEtitatu loshivike eshi. Onghalo yoita yekondjelomanguluko ya li moshilongo, oya etifa komidingonoko kwa li ovakwaita vetanga lomukolonyeki South Africa peemhito dihapu va fiye po eeboma dimwe di li koluhaela na dihapu da fudama eshi sha nyika oshiponga koshiwana.

Kansela woshikandjohoololo shaKankolo Josef Iimbili, meenghundafana noshifo Kundana, okwa koleka kutya opolifi moshikandjohoololo shaKankolo, oya lopotelwa  eeshela mbali de lituwa komunailonga ongula yOsoondaxa. Ta weda po kutya, oshitauwa shopokati kOkankolo nOnkumbula oshi li momafaneko okukwatakanifwa noshitauwa shopokati kOnayena nOkankolo. Okwa  ti, okwa teelelwa ashike omutengenekwa woshimaliwa opo kutamekwe noilonga yoshitauwa okudja pOkankolo wa uka kOnkumbula. Okwa yelifa vali kutya, shama omutengenekwamwaalu wa piti,nena etanga lopolifi yokutelulula eeboma otali ka konakona opo tapa tungwa opate oyo, manga oilonga yetungo loshitauwa inai hovela,  opo i hade eeboma opo pa fanekwa kweenda ondjila .

Molwa oushitwe woitukulwa yomafululu, oshipu pa kale eeboma dihapu da fundama inadi monika noupu nepangelo ola faneka kwaandjaneka omakwatafano eendjila koitukulwa ya yooloka omukalo wotwala omayakulo poupepi noshiwana.

LEAVE A REPLY

Please enter your comment!
Please enter your name here