Nekongo a langekwa pOmundaungilo

0
218

OMUNDAUNGILO – Ongerki Onkwa-Evangeli paLuther ohayi langeke aasita momagongalo ngoka gena ompumbwe, konima uuna mboka ya mana eilongo lyawo lyuusitagongalo koseminali.

Omusita Sakaria Nekongo konima sho a mana eilongo lye nokuyapulilwa oshilonga shuusita kuyele nuumvo okwa li uuthilwa  kElelongerki opo a longe oshilonga shuusita megongalo Omundaungilo ye a taandelithe elaka etoye ngaashi lya li lya etwa kaatumwa Aasoomi pomimvo dho 1870.

Nekongo manga inaaya kosikola yuusita okwa kala ta longo oshilonga shuudiakono nokwa kala omudiakoni ethimbo ele ta yakula megongalo lyokoMariental. “ Onda kala tandi longo oshilonga shuudiakoni megongalo lya ELCIN koMariental hono ndali nda tokola opo ndi ye kosikola yuusita ngame ndi kale omusita tandi yakula oshigwana shaKalunga,” Nekongo ta ti ngaaka.

Omusita Nekongo ngono eli omukwanegongalo gwegongalo Okankolo moshitopolwa Oshikoto  konima sho egongalo lyawo lyali lyu uvu kutya Nekongo okwa ulikwa a ka yakule kegongalo Omundaungilo, mOsoondaha yomasiku 31 omwedhi gwaziko, olyali lya tokola li mu longekidhile oshituthilaleko ye a ka yakule aashitwa yOmuwa kegongalo Omundaungilo hoka uuthilwa.

Nekongo ta gwedhapo kutya okwa li a taamba oshilonga shika sheithano lyuusita , ta ti nokonima sho a tseyithilwa kutya ota ka yakula kOmundaungilo okwali a yamukula mbala oshoka okwa hala a longele Kalunga ye a longe oshilonga she shaa mpoka Omuwa te mu tumu, ye a yakule aashitwa ye.

Mosoondaha ya piti aakwanegongalo lyawo kOkankolo oshowo aakwanezimo oyali ya thindikile nokuthikitha Nekongo kegongalo kOmundaungilo hoka a langekwa yo ya kale woo yeshi nkoka eli.

Aakwanegongalo Omundaungilo oyali ya taambako omusita gwawo nguka omupe, ye shi ningi noondjimbo dhetaambeko. Nekongo oye ali a ningi elongelokalunga esiku ndyoka. Pethimbo ta popitha aakwanegongalo lwotango okwali eya indile ayehe opo ya longele kumwe mokuyambulapo egongalo, yo ya kale aluhe haya gongala komambo.

Egongalo Omundaungilo olya totwapo mo1946 mewiliko lyOmusita omukulu Andreas Kanalelo,olina oondjakulwambinga dhili 6,no lyali lya hanagulwapo thilu pethimbo lyiita yekondjelomangbuluko. Nekongo okuli omusita omutigoyi ta yakula egongalo ndika. Manga Nekongo inaa ulikwa a yakule egongalo ndika olya kala mewiliko lyomudiakoni Kalorina Nepando, ngono ta kala ta longo pamwe nomusita ngaashingeyi.

LEAVE A REPLY

Please enter your comment!
Please enter your name here