Omulumentu gwoomvula dhopokati a penduka a sila pombete

0
260

OMULONDO – Omukalimo gomomukunda Uuyoka megongalo Omulondo okwa si eso lyombaadhilila konima sho  iitsuwa a sila pombete mondunda ye. Oshiningwanima shika osha ningwa uusiku woSoondaha okupendukila Omaandaha oshiwike shika.

Martin Nehale goomvula 34 ngono ali omuniilonga gwehangano lyoku andjaganeka olusheno kiitopolwa yokuumbangalantu NORED, okwa iitsuwa ku yina  mondunda ye yokulala hulitha ongula yOmaandaha goshiwike shika.

Yina Hedvig Imene okwa hokolola kutya oyali ya penduka megumbo ngaashi shito, ashike mokupenduka kwawo oya mono kutya Martin ina ya kiilonga nonande shito oha meneka tayi ,oshoka ohaka longa owala tazi pegumbo.

“ Sho nda mono ohauto kutya natango opo yili onda yi kondunda ye ngame ndi mu popithe oshoka ondali ndi wete a tokelwa okuya kiilonga, sho ando ndi egulule pondunda ye omweelo ogwali gwa pata, onda talele mekende ngame tandi mu ithana ashike moku talatala ondali nda mono kutya okwa hulitha nonande kandishi kutya ongiini,” Imene ta ti ngaaka.

Aanegumbo oyali ya kugu onkugo aashinda ta yeya yo taya dhengele opolisi mbala yi ye yi tale shoka sha ningwapo.  “ Otwa li unene twa kwatwa komalimbililo notwa kumwako oshoka inatu uva nande Martin ta ti ku uvite nawa,kakele kwaasho twe ki itsa owala momudhimba guli pombete ye mondunda, nkene owala sho eya megumbo konima yaantu opo yali uulalelo nokuya owala kondunda ye a ka lale,” Yina Hedvig  ta gwedhapo ngaaka.

Yamwe yomookuume ke oyali ya hokolola kutya oyali ye mu mono ethimbo lyokomatango eli owala nawa na kali ta ulike ando kee uvite nawa, gumwe ta ti oyali owala ya topoka nawa yo ta ya yi komagumbo, ye naye okuuka kaandjawo, no ka yali ando ya tegelela onkundana ombwiinayi ndjoka yuuvu ongula yOmaandaha.

Engathithi lyaanamukunda oshowo aaniilonga pamwe naye moNored oyali ya gongala esiku lyoshiningwanima lyonkundana ndjika nokutopolelathana oluhodhi.

Martin ngoka taku hokololwa kutya okwa li ena omwenyo omwaanawa noha panga uukume na kehe kutya omukulupe nenge okanona. Okwa thigiko aakuluntu ye naamwayina yatatu. Omalongekidho gefumviko ogi ipyakidhilwa nago.

 

LEAVE A REPLY

Please enter your comment!
Please enter your name here