Omunyasha a hangika a fya monduda 

0
242

ONDANGWA– Opolifi yaNdangwa moshitukulwa shaShana  otai konaakona  efyo lomulumenhu weedula 32 Aron Jeremia e lituwa a fila monduda yokunangala meumbo laye mEpulangapi momudingililo wOshitayi moshitukulwa shaShana.

Jeremia ota hokololwa a kala oye aeke meumbo, nopa pita omafiku atatu ovashiinda inave mu mona te linyenge. Eshi oshe va limbilika nosha etifa opo komatango Olomakaya a djako va ye meumbo laye omo va didilika mwa ninga omafiku inamu linyenga omunhu. Ova ya fiyo omonduda yokunangala omo va hanga omudimba waye wa ola.

Ovakwapata va nakufya Jeremia, ova fikifilwa etumwalaka eli, omudimba ou li mokila yomidimba yaShakati, nekonaakono lopolifi otali twikile.

Moshiningwanima shikwawo opolifi yaNgwediva moshitukulwa shaShana, ongula inene yOlomakaya ladjako lwopotundi 03H00 yokeengula oya lopotelwa kovakwashiwana omudimba womukainhu wa hangika pomukunghulo woshitauwa shopokati kOshakati nOndangwa.

Pauyelele womunambelewa omupopiliko wopolifi yaNamibia omukonaakoni Slogan Matheus, okwa lombwela oshikundaneki  Kundana kutya, opolifi otai tengeneke kutya nakufya  a dimbulukiwa kovapambele vaye Omaandaxa oshivike eshi oye Rebeka Ngesheya womido 34.

Otaku fekelwa kutya, otashi dulika nakufya a ngwadjulwa ketuwa ndee omushingi ta faduka po ina lopota oshiponga kopolif. Nakufya okwa hangika e na oipute ta yuulike kutya okwa monifwa oshiponga.

Omudimba wanakufya owa twalwa kokila yomidimba kOshakati opo u ka konaakonwe, novapambele eshi va uda ehokololo ove ya okuvandamena kokila nova koleka kutya oye Rebeka Ngesheya. Ovapambele ova hokolola kutya ove lixula nakufya Ngesheya eshi a dja meumbo nakahewa kaye omushiinda ta ti, okwe mu monena oilonga, notava ka teelela etuwa va ye nalo oko e mu monena oilonga yomomaumbo, nohaluka ova uda etumwalaka lomudimba tau udikwa wa hangika pomukunghulo woshitauwa. Ekonaakono lopolifi otali twikile.

LEAVE A REPLY

Please enter your comment!
Please enter your name here