Otonamenda yaNehale nonuumvo oko oyili

0
169

ONAYENA – Otonamenda yomosekundeskola yaNehale nonuumvo oko yili. Omuunganeki guudhano mosikola ndjika shino okwali eshi yelitha kuyele oshiwike shika.

Ta ti otayi ka kalako mehuliloshiwike yomasiku 19- 21 Juni, mono oosikola dha tegelelwa dhi kale dhi ishangitha  metitano ko ta ku ningwa odraw.

Osikola ndjika yaNehale ohayi longekidha otonamenda omumvo kehe ndjono hayi kala aluhe mokati komumvo. Omuwiliki gomaudhano moNehale Simon Mvula okwa tseyitha kutya otonamenda oko yili nonuumvo, mono ya tegelela oosikola adhihe okuza koombinga adhihe dhoshilongo dhiye dhi kuthombinge noku thigathanapo.

Mvula ta ti oya tegelela oosikola dhooCombined oshowo oosekundo ndhoka tadhi ka thigathanapo noku tala ndjoka hayi dhana nawa okatanga yi vule oonkwawo. “ Otaku ka kala oosikola tadhi thigathanapo momaudhano ngaashi okatanga kokooompadhi, aakadhona otaya ka dhana okatanga komokambamba oshowo aamati taya ka dhana ovolleyball, mboka taya ka sindana otaya ka pewa omagano oshowo omapole naangoka ta ka kala enyakwa dhingi evule yakwawo otaka pewa shoka iilongela,”Mvula ta ti ngaaka.

Otaku ka kala wo ethigathano lyokakadhonadhingi ndyono lya thanekwa tali ka kalako mOlyomakaya yomasiku 20 Juni, Mvula ta ti okwa tegelelwa osikola kehe yi etelele ando omannzuna gaali ngoka haga vulu oku imemeha, opo geye ga thigathane naanaskola yaza koosikola ndhoka tadhi kutha ombinga.

Molyomakaya moka okwa tegelelwa mosekondele muka mu kakale omainyanyudho kamana, mono aahikingalo mbono opo ta ye ya mowela oyo ya tegelelwa ye ku ulike iipewa niitalenti yawo. LBHT, Lapie Topie, D Town Boys,Grand Twitters, Spdoo, DK’s no Street hotties oyo taya ka mwenyeka pethimbo lyethigathano lyokakadhona dhingi.

Oosikola ndhoka tadhi ka sindana momaudhano agehe otadhi ka pewa omakopi oshowo iipandi yiimaliwa shi ikwatelela kwaashi yi ilongela. Oosikola odha tegelelwa dhi etelele oshimaliwa  shomaishangitho shooN$300 ketanga lyokoompadhi, N$200 ketanga lyomoshimbamba nooN$150  ketanga lyoVolleyball, opo dhi kuthe nawa ombinga. Taya hiya oosikola adhihe dhiye dhi kuthe ombinga dho dhi hangane noku tala nkene uudhano auhe mbuka hawu dhanwa.

LEAVE A REPLY

Please enter your comment!
Please enter your name here