Satlam a pititha okangalo Kalunga Ohole

0
260

WINDHOEK-Omuimbi gwoongalo Dhopambepo, Kwaito noAfro Pop, Lamek Shatilwe, a tseyika nawa nedhina Satlam osho a pititha okangalo ke okape kedhina Kalunga Ohole, oshiwike shika.

Satlam okwa ti ongalo ndjika ta kwathelwa kuKarl Simbu naYoung-T okweyi pititha ongehwahwameko lyoalubuma ye ontitano yedhina Elevator, ndjoka ya tegelelwa yi ka pite pehulilo lyomwedhi nguka.

Okwa ti ye okwe shi ningi ishewe okupandula Kalunga ke sho emupe oshitalenti shoku imba no ku mu gamena.

Satlam omuhikingalo ngoka a kala ta longo nuudhigini, okuza mo 2011 moka ali a holoka koshipala shaantu onga omuhikingalo ha imbi oongalo dhopambepo dhingi, nongalo ndjoka yedhina Pandula, ta kwathelwa kuMushe.

Oshitalenti she oshali shakoko sigo opomuthika gwopombanda sho apititha oalubuma yedhina Kapatashu mo 2013, ndjoka yali ya hokiwa koyendji. Okuza tuu omvula ndjoka Satlam ina shuna nando ompadhi monima, nokwa kala ta imbi ye ita sholola.

Satlam oye omuhikingalo ishewe ngoka ha gandja omatumwalaka ngoka taga tungu oshigwana, tashi pitile moongalo dhe.

LEAVE A REPLY

Please enter your comment!
Please enter your name here