‘Starlile’ a mono omapapa ogwedji koMTC/NPL

0
263

Windhoek-Kapitiya gwenyakwa lyoliha yaNamibia, ospana yo African Star ngoka eli omukumiki ,Pat-Nevin Uanivi okwa pewa epapa  enene lyondilo lya MTC Namibia Premier League (NPL) sho oye a ulikwa omudhani gwokomumvo guudhano omolwa okulonga kwe nawa omumvo guudhano 2014/2015. Omolwa iilonga ye mbika okwa yi kegumbo nepapa ndyoka oshowo ooN$30 000.

Omunawino nguka mokudhana etanga lyokoompadhi okwa li wo oye omusindani ongo omugameni nenge omudhani gwokonima yospana dhingi. Methigathano ndika okwa thigipo aadhani ooyakwawo moospana dhilwe ngaashi Peter Shalulile gwoTura Magic oshowo omudhani gwokomeho mospana yOrlando Pirates Nicky Musambani okumona epapa lyomudhani gwokomumvo guudhano pegandjo lyiishani mbyoka Olyomakaya ga piti moshilandopa

ngelo.

Ospana onedhina yomoKatutura, African Stars oyo ya faalele omapapa ogendji poshiithanene shika. Omudheuli gwospana ndjika Woody Jacobs oye a pewa epole lyomudheuli dhingi komumvo nokwa yi kegumbo a kola nooN$20 000. Jacobs,ngoka ta simanekwa noku tangelwa eyokomeho nawa lyoAfrican Stars okusindana oliha oshikando oshititatu  okwa thigipo omutekuli gwe muudheuli nokuli omudheuli gwoTigers Bobby Samaria oshowo omudheuli gwOrlando Pirates, Lucky Kakuva okukondjela epapa lyuudheuli dhingi wokomumvo nuumvo.

Omanga omukwati gwetanga omukulu Athiel Mbaha okwa gwanitha omazaleko gomapapa ge nospana yoStars shono oye uulikwa omukwati gwomokoola enyakwa nuumvo nokupewa ooN$5 000.

Omudhani gwokomeho gwOrlando Pirates, Nicky Musambani okwa mono omapapa gaali okutulamo ookoola odhindji oshowo omudhani dhani gwokomumvo nokuya kegumbo eli nawa mondjato nooN$35 000 komapapa ngoka gaali.

Omudhani gwomokati mospana yo Black Africa ndjoka oyo ya gandjapo uunyakwa koAfrican Stars nuumvo, Denzil Haoseb oya topola epapa lyomunashipundi yo nomukwati gwomokoola gwoTigers Fox Nambundunga, omanga Peter Shalulile gwoTura Magic a sindana epapa lyomudhani dhingi omugundjuka omumvo nguka. Ye omudhani gwopokati gwoBlue Waters Gregory Aukumeb okwa pewa epapa lyomudhani dhingi gwomokati kokapale nuumvo.

Haoseb, Shalulile na Aukumeb ka ya lipo pegandjo lyomapapa oshoka oye li ko Pretoria South Africa taya ilongekidhile uudhano wawo  wekopi lyomanyakwa gAfrika 2017  mboka taya ka dhana na Niger Osoondaha ndjika tuuka koshilongo shokuuninginino wAfrika.

Aahikihiya nayo oya li wo ya pandulilwa iilonga yawo ongulohi ndjoka sho Reinhold Malima uulikwa oye omuhikihiya dhingi  gwokomumvo a yi nooN$10 000 omanga Christof Vries a pewa ooN$5 000 ongo omukwatheli hiki hiya muudhano nuumvo.

African Stars okwa li wo a tseyithwa pambelewa ongo enyakwa lyoliha yomumvo 2014/2015 ya MTC Premiership noku pewa ooN$1 omilliona epandulo. Black Africa okwa pewa ooN$600 000 eya pehala etiyali Tura Magic ta pewa ooN$300 000 sho eya omutitatu ye Tigers ta mono oodola N$100 000 ongo ehekeleko okukala pehala etine methigathano ndika.

 

LEAVE A REPLY

Please enter your comment!
Please enter your name here