Ya yahwa komugameni gwomaliko

1
368

ONGWEDIVA-Aalumentu yaali okwali ya ehamekwa noonkondo sho ya yahwa nondjembo komugameni gwomaliko gwehangano lyaShilimela Security Company metitano lyoshiwike sha ziko.

Okwa hokololwa kutya omulumentu gwedhina Nangolo Mateus gwomimvo 30 okwali yayi moondjuma nomugameni gwomaliko gwehangano ndyoka lya  tumbulwa pombanda sigo tashi eta enyenyeto.

Pa uyelele mboka wa gandjwa kopolisi omugameni gwomaliko ngoka ena edhina itali vulu oku tumbulwa oshoka ka kwali a holoka mompangu okwa nyenyeta na Mateus sigo tashi fala molugodhi.

Sho nduno anuwa omagameni gwomaliko a sindika kuMateus oshoka okwa dhengwa nekende lyepunyapunya momutse okwa ithana omuniilonga pamwe naye gwedhina Shikulo Sebron Salom opo ya ka hangene Mateus.

“Omugameni gwomaliko okwa pe Salom ondhimbo omanga ye ta kutha ondjembo opo ya vule okukondjitha Mateus,” omupopiliko gwopolisi Kuume Abner Iitumba a ti ngaaka.

Iitumba okwa ti kutya okuza mpoka iikolokosha oya pindjala nomugameni gwomaliko okwali a umbu ondjembo ta dhilaadhila kutya ota umbu Mateus ihe nani okwa umbu ashike Salom ngoka a li temu gamene.

Okwa yaha Salom momutse ngoka a li a tondokithilwa koshipangelo shepangelo kOshakati meendelelo ali eehama kashona lwopotningo.

Ashike Iitumba okwati Salom ngashingeyi okuli hwepo nonando okuli monkalo tayi limbilike nomugameni gwomaliko okwali a mangwa po kopolisi nokwa   li a tegelelwa a holoke mpompangu yaMangestrata  muule woshiwike shika.

 

1 COMMENT

  1. yaaaayee!! shilimela alulu epangelo nalipyopye nashilimela pamwe tayakudhwa ondjembo otayiyaha yotayaha yakwawo yotakuthile akwashigwana ondjembo unene !

LEAVE A REPLY

Please enter your comment!
Please enter your name here