Aashana ya dhana esiku lyomunona omuAfrika

0
194

OSHAKATI-Ngoloneya gwa Shana Clemens Kashuuupulwa okwa li iindile engathithi enene lyaanona mboka yali ya gongala pokapale mOshakati ongula onene Etiyali  oshiwike shika  opo yi itulemo miinyangadhalwa yawo yosikola opo ya wape ya pite nawa nuumvo.

Kashuupulwa ngoka a li ta popitha aanona mesiku lyomunona omuAfrika okwa li a thaneke kutya andola nuumvo yi kale omvula yokupita kaakunawe. Esiku olya li lya dhanwa kohi yoshipalanyolo shono tashi tsu omukumo noonkondo opo oshigwana shi ,mange uukuni okuhulithapo oondjokona dhuunona mu Afrika.

Junior meya gwaShakati  Singo Gomez okwa li woo iindile aanasikola opo yi itulemo melongo lyawo yo ya simaneke woo omayele taye ga pewa kaakuluntu.

“Otuna okwiiyutha komalombwelo gaavali yetu ngele otwa hala okukala aantu yena oshilonga monakuyiwa,” Gomez ta ti. Gomez okwali a indile aanasikola opo ya kuthe omatokolo ngoka ta ge ya pondolitha okukala aantu yena ongushu moshigwana. “Tu kutheni omatokolo gena ongushu opo wo natse tu ka kale aantu yena ongushu monakuyiwa. Gomez okwa li wo iindile oonakuninga ooveta opo ya pitithe oveta tayi keelele okumonitha aanona moAfrika iihuna.

Ishewe, Gomez okwa li wo iindile opo oshigwana shi imange kumwe  mokukondjitha osho wo okuhulithapo ethiminikilo lyaanona moondjokana.

“Omithigululwakalo ndhoka tadhi yambidhidha oondjokana dhuunona nadhi hulithwepo,” Gomez ti indile.

Esiku lyomunona omuAfrika olya tokolwa momumvo 1991 sho Ehanganolyo AU oshowo UNICEF ya kumagidha aantu ya simaneke uuthemba waanona oshowo okukalekapo onkalo ombwaanawa yawo.  Monena esiku ohali dhanwa nokudhimbulukiwa miilongo  47.

Esiku ndika olya tulwa mesiku 16 Juni okudhimbulukwa edhipago lyaanona yosikola moSoweto sha South Africa lyokatongotongo sho ya li taya kondjitha okulongwa iilongwa ayihe  melaka lyoShimbulu nenge oshiAfrikaans.

LEAVE A REPLY

Please enter your comment!
Please enter your name here