Ehala lyetu lyoku idheulila

0
203

ONDANGWA – Ours gym  oya totwapo nelalakano lyokutunga omalutu go ga kale gena uukolele. Oya totwapo komudhengingonyo nomutungilutu Hedson Nghipondoka ngoka a tseyika nawa koyendji monooli yoshilongo onga Bulelo.

Bulelo okwali a ulikwa omutungilutu dhingi moNooli ayihe mo2013. Shino oshali sha ningilwa mondoolopa yaNgwediva.

Mo 2014 natango oye ali a sindana momathigathano ngono gali ga ningilwa mondoolopa yaNdangwa.

Ours gym otayi adhika pEkamuti mondoolpa yaNdangwa, ohayi dheula aadhengingonyo yoomvula dhayooloka, yo ya tunge omalutu gawo ga kale gena uukolele noonkondo dhokusinda aakondjithi yawo uuna ta yayi komaudhano.

Bulelo ngono a holola kutya okuna iipewa oyindji nopendji oha dheula aanyasha momaudhano ngaashi okarate, okatanga kokoompadhi ,volleyball, Boxing mono omo ena ontseyo oyindji muudhengingonyo nolundji ohayi komaudhano noha kutha ombinga.

Okwali a sindana kuyele muJuni sho ali a dhengemo omumati omuAngola muudhano mboka wali wa ningilwa mEkamuti mOndangwa.

Ours gym oyili mompumbwe onene yoshimaliwa no tayi kongo omakwathelo kaanangeshefa oshowo koohandimwe yi vule ku tunga ehala lyawo moka tayi kala tayi ningi omadheulo gawo.

“ Katuna ehala lyetu tseyene ando tatu vulu ku kala omo tatu ningile omadhewo, mopaife ohatu idheulile mEkamuti nohatu futu oshindji, nondiwete kutya ando otwali tuna ehala lyetu yene ando itashi tu pula oshimaliwa oshindji onkee otatu kongo ekwatho moshigwana shitu yambidhidhe mompumbwe yetu ndjoka tuna,” Bulelo ta ti ngaaka.

Bulelo okwa gwedhapo kutya okwa kala noku shangela elelo lyondoolopa yaNdangwa li mupe ehala a kale ta dheula aantu ye ashike ihali yamukula, ta gandja euvo lye lyonayi kutya aachina otaya pewa omahala omanga aantu yomoshilongo taya tindilwa omahala. 

Okwa ti oya longekidha ku ka kale Miss Ours Gym muKotoba nuumvo.Ta indile kehe ngoka ena ehalo eya wayimine moOurs gym a kale emu mona nenge emu dhengele ko 0813179078/0816465766. Tatsu unene omuthindo kaavu yosuuka,omutima opo nayo ye ya wayimine yo ya kale yena omalutu haga ningi omadhewo nuundjolowele.

LEAVE A REPLY

Please enter your comment!
Please enter your name here