Elly-Boy noku imba oongalo dhoKwaito

0
258

TSUMEB – Ehangano lyaahikingalo aaNamibia otali ende tali koko esiku nesiku , oonekandangala lyombandje oyendji otayi ikutha kohi noya hala okugandja etumwalaka lya yela tashi pitile moku imba oongalo tadhi shambula.

Elifas Joseph ngoka hi ithanwa Elly-Boy kostage naye oye gumwe gomaamati mboka ya tokola okuya mondambo yo ya tale ngele genongo taga fe gongombe. Elly-Boy omugundjuka goomvula 18 nokwa yambukile moTsumeb.

Okuna ohokwe yoku imba oongalo noha hiki oongalo dholudhi lwoKwaito.

“Onda tokola opo ndi pitithe oalbuma yandje pehulilo lyomvula ndjika, onda kala owala handi imbi uungalo ookamwe ashike mongashingeyi ondina omukumo nomatokolo kutya pehulilo lyomumvo nguno ayihe oyina okweenda nawa lela, otandi kambadhala ndi longe ngaashi te vulu ndi tule ayihe kolutenda ngame ndi pitithe oalbuma yandje,” Elly-Boy ta ti ngaaka.

Omugundjuka nguka ota ti okwa kala ena ohokwe yoku imba oongalo manga ali omushona  elela, okwali a tokola anuwa opo a kambadhale ye a tale ngele teshi enditha.

Ta holola kutya nonande petameko shali shafa oshidhigu okwali iitsu omukumo kutya kapuna oshinima ha shiya tashi pitile muupu omuntu owuna oku kondja opo wu adhe esindano.

“Onda kala tandi tsuwa omukumo kookuume kandje oshowo kaakwanezimo lyandje mbono ya holola kutya ondina oshipewa shokwiimba, ondi itulamo lela nonda mono omatsomukumo okuza kaantu ya yooloka, onda kala tandi imbi noku tula iitya yandje pombaapila  sigo nda haluka nokuli tandi tameke handi imbi uungalo niitya  itaandi shanga we, te tula owala momutse,” Ta gwedhapo ngaaka. Mo 2013 Elly-Boy okwali a pewa epapa lyomuhikingalodhingi moongalo dhoKwaito ko Copper Festival moTsumeb.

Elly-Boy okwa ti oalbuma ye ndjoka ya tegelelwa oyina uungalo wuli 15 mono mwa kwatelwa What I do is entertain,Salute na we made it, owo wumwe tawu adhika moalbuma ndjika.

Okwa pandula ayehe mboka ya kala ta ye mu yambidhidha a vule ku thika ponkatu mpa eli. Oha nyanyudha unene pooshow, oshowo pootrade fair.

Muungalo we owundji okwa kwathelwa ko Ama blackids. Ta tsu omukumo aaNamibia ya hike oongalo ndhoka tadhi gandja etumwalaka tali tungu.

LEAVE A REPLY

Please enter your comment!
Please enter your name here