Endjala, Pretorius oyo omanyakwa goWanderers Open Squash

0
246

WINDHOEK-Max Endjala na Carin Pretorious ehuuliloshiwike lyaza ko oya li ya ningi ondjokonona methigathano lyoSquash konima sho yali ya sindi aakondjithi yawo momadhingoloko guudhano mbuka wo Wanderers Open Squash Championship.

Esindano lya Endjala olya li lya pitile meyulu lyonane, oshoka omukondjithi gwe Sven Gruttemeyer okwali andjika oonyala mevi na olugodhi ka lwali ta lunuwa omeya.

Endjala okwa li asindana olweetho lwotango 12-10, ashike Gruttemeyer okwali azi konima nokusindanapo omalweetho geli gaali galambathana nokutula “Arthuli” muudhigu , ashike Arthuli okwali azi konima nokusindanapo olweetho olutine noku eta uudhano wukale wadhana shithike pamwe noku thindila uudhano mbuka medhingoloko etitano moka Max ali a ulukile Gruttermeyer komutse gondjamba sho ali a pondola okusindanapo ethigathano ndika 11-8 nokusindanapo uudhano 3-2.

Muudhano woomeme Carin Pretorius okwali a sindanapo uudhano we nuupu konima sho ali a dhenge Adri Lambert 3-0 nokutoolapo ekopi lyoomeme muudhano woSquash.

Esindano ndika olya eta Pretorious aninge omukiintu dhingi muudhano mbuka mOshilongo Max pethimbo ali moonkundathana na Kundana okwati okuli a itulamo muudhano mbuka na ota ka ninga kehe tashi vulika opo a ka kalelepo Namibia kuudhano wopawuyuni hawu ithanwa Olympics games.

Max okuli okwati ngashiingeyi ota ilongekidhile ethigathano lyoSquash ndyoka tali ka kala ko South Africa kuyele mu Juli.

Okwati ethimbo olyathika opo uudhano mboka wakala ashike hawu sindanwa kaatiligane opo wo wukale hawu sindanwa nokaaluudhe.

Max “Arthuli”Endjala athanekwa nekopi konima sho aningi enyakwa lyuudhano wo Wanderers Squash Open Championship.

LEAVE A REPLY

Please enter your comment!
Please enter your name here